آلاجاقدير


آدم‌ اوغلي‌، بو دنياگه‌

قويماز، سني‌ آلاجاقدير

حلال‌، حرام‌ ييغنان‌ مالينگ‌

سونگرا سندن‌ قالاجاقدير

 

هر چند كه‌ ياشاسانگ‌ اوزونگ‌

ياغشي‌-يامان‌ قالار سوزونگ‌

خمار گوزونگ‌، گل‌ دك‌ يوزونگ‌

خزان‌ اوروپ‌ سولاجاقدير

 

تندن‌ جدا بولار جانينگ‌

بيكار قالار استخوانينگ‌

شونچا ييلقي‌ دوران‌ جانينگ‌

آيري‌باشغا بولاجاقدير

 

اوتدي‌ يازينگ‌، گلدي‌ قيشينگ‌

نماز، روزه‌ بولسون‌ ايشينگ‌

بو دنياده‌ سلط‌ان‌ باشينگ‌

نه‌ سودالار گوره‌جكدير

 

بو دنياگه‌ گلن‌ جانلار

بيري‌-بيرينه‌ ميهمانلار

خوجه‌-سيد، بگ‌ و خانلار

آخر سونگي‌ اوله‌جكدير

 

خذمت‌ قيل‌ قادر خدايه‌

عمرينگي‌ اوتورمه‌ ضايه‌

ايشيك‌سيز، توينوك‌سيز جايه‌

بير گون‌ التيپ‌ سالاجاقدير

 

برهم‌ بولار قالار جايينگ‌

بوزولار كوشك‌ و سرايينگ‌

يارادان‌ قادر خدايينگ‌

تنها اوزي‌ قالاجاقدير

 

مختومقلي‌ عاصي‌ قولونگ‌

كفر سوزدن‌ ساقلا تيلينگ‌

قيامتده‌ دوغري‌ يولونگ‌

صراط‌ كوپري‌ بولاجاقدير

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی