آغلاشماق‌باردير


نادان‌ كونگلوم‌، بو نه‌ شاد اولوپ‌ گولمك‌

تانگلا گون‌ غم‌ گلر، آغلاشماق‌ باردير

عاقل‌ ارسنگ‌، عالم‌ اهلين‌ سويمه‌گيل

بي‌پايان‌ دير، آيرا بولوشماق‌ باردير

 

دوستلار، اوسر بير گون‌ اجلينگ‌ يلي

خزان‌ اوروپ‌ سولار عمرينگ‌تر گلي‌

عاجز جانا اولوم‌ اورار چنگالي‌

آيلانيپ‌، آيلانيپ‌، يازليشماق‌ باردير

 

ير يوتار بير گوني‌ قدي‌ دالينگ‌ني‌

حقدان‌ اوزگه‌ هيچ‌ كيم‌ بيلمز حالينگ‌ني‌

يليپ‌، يووريپ‌ ييغان‌ دنيا مالينگ‌ني‌

بير-بير حساب‌ اديپ‌، پايلاشماق‌ باردير

 

باقي‌ يوردا ايلينگ‌-گونونگ‌ قونديرلار

يدي‌ قدم‌ اورغان‌(دان‌) سونگ‌ قالديرلار

"ربينگ‌،نبينگ‌، دينينگ‌ ينه‌ كيم‌؟" دييرلر

ط‌اقت‌ اديپ‌، جواب‌ آليشماق‌ باردير

 

من‌-منليك‌(دير) بار آدامينگ‌ خيالي

تانگلا معلوم‌ بولار همانينگ‌ حالي‌

ميزان‌ تره‌زي‌گه‌ ساليپ‌ اعمالي‌

خيرا، شرا عزم‌ قيليشماق‌ باردير

 

تانگلا گون‌ قيامت‌ محشر قورولار

قول‌، خوجه‌، فيل‌، پشه‌ برابر بولار

انس‌-جنس‌، جان‌ اهلي‌، همه‌ ديري‌لر

شاه‌ آليندا حساب‌ آليشماق‌ باردير

 

دوست‌لار، باردير صراط‌ آتليغ‌ بير گذر

مونگ‌ ييل‌ليق‌ يول‌ بولار، يولي‌ سربسر

قيلدان‌ اينچه‌، قيليچ‌دان‌ تيز كسر

مونگ‌ييل‌اينيپ‌،مونگ‌ييل‌چيقيشماق‌باردير

 

مختومقلي‌، شول‌ خوف‌لاردان‌ اوتدونگ‌مي‌ 

ايمان‌ تاپيپ‌، مرادينگا يتدينگ‌مي‌

يا-ها جنت‌ ايچره‌ مكان‌ توتدونگ‌مي‌

آنچا تيتراپ‌، حيران‌ بولوشماق‌ باردير

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی