آطا منگزأر


اوْبا داشینداقی دپه

ایرله نن آطا منگزأر

عقل سیز أرلر زر بیلن

یازیلان بد خطا منگزأر



بوُ دنیا بیر دوّیپ سیز دریا

غرق ادر،بوْلما بی پروا

مغرور بوْلما فانی دنیا

گزک لی نوبته منگزأر



قارداش سیزا قوات یوْقدوُر

اوغول سیزا دولت یوْقدُور

عیال سیزا عشرت یوْقدوُر

خوش گونی حسرته منگزأر



یاماندان یاغشی ست بوْلماز

اصلی یاغشی لار بد بوْلماز

دنیالیکده دولت بوْلماز

اوغول چین دولته منگزأر



یاتان یری ییلان قوْینی

آسیلانی ایتینگ بوْینی

پیس ارینگ یاغشی خاتینی

دُرّی بی قیمته منگزأر



بوُرچ بیلن دوُز تأزه یارا

آوی قاتار روزگاره

یامان خاتین یاغشی أره

ساویلماز تهمته منگزأر



مختومقلی،نامرادام

ایل لر خوشدور،من ناشادام

سوْز معنی سین آنگماز آدام

بیر قوُیروُق سیز ایته منگزأر

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی