آدمزاد


ياتسا - تورسا خياليندان‌ چيقارماز

قايسي‌ ايشه‌ مايل‌ بولسا آدمزاد

غريب‌ليغينگ‌ غمي‌ كونگلون‌ چوكرمز

عيال‌ ايسلاپ‌، سايل‌ بولسا آدمزاد

 

گناه‌دن‌ قورقماغان‌ رويي‌ سياه‌ دير

مونونگ‌ معلوم‌ گوني‌ روز جزا دير

بو دنيا ملكينده‌ سلط‌ان‌ دير، شا دير

قسمتينه‌ قايل‌ بولسا آدمزاد

 

اقباللي‌نينگ‌ اوغران‌ ايشي‌ اونگ‌ گورنر

دنيا يوزي‌ اله‌ گيرسه‌، تنگ‌ گورنر

جاهل ليقده اوتان ايشلار گنگ گورنر

قرق دن آشيب آييل بولسه آدمزاد

 

هر كيشي‌ كيم‌، سوز معني‌غا دوشماندير

بير دردلي‌ دير، آنگا درمان‌ دوشماندير

قيامت‌ گون‌ همه‌ ايشي‌ پشماندير

حق‌ ايشينه‌ كاهل‌ بولسا آدمزاد

 

عقل‌ ات‌ جهانينگ‌ رايين‌، روشين‌

اعتبار اتمه‌گين‌ دنيا دوروشين

مختومقلي‌، ياغشي‌ گورردي‌ ايشين‌

قيرقيندان‌ سونگ‌ جاهل‌ بولسا آدمزاد

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی