آيينگ‌ياغشي‌سين


ييگريمي‌ دورت‌ ساعت‌ اون‌ ايكي‌ آيدا

رمضان‌ آي‌ دييرلر آيينگ‌ ياغشي‌سين‌

فنا دورانيندا، يرينگ‌ يوزونده‌

شام‌ شريف‌ دييرلر جايينگ‌ ياغشي‌سين



يا يارادان‌ قادر، قدرتينگ‌ كان‌دير

اول‌ قدرت‌ ايش‌لره‌ عقل‌ حيران‌دير

فكر يتمز، يا رب‌، نيچيك‌ پنهان‌دير

ظ‌لمت‌ ايچره‌ قويدونگ‌ سووينگ‌ ياغشي‌سين‌

 

قارا قوش‌ ياراشماز بييك‌ باغ‌لاردا

گل‌ اوستونده‌ بلبل‌ سايرار چاغلاردا

يرينگ‌ آرقاسيندا، گنج‌لي‌ داغ‌لاردا

آژدارها ايه‌لار زاوينگ‌ ياغشي‌سين‌

 

الينگ‌ يتسه‌، عرضينگ‌ آيتسانگ‌ سبحانه‌

عقل‌ حيران‌ بولار دالي‌ - ديوانه‌

يوركده‌ درد بولوپ‌ دگر هم‌ جانا

شغال‌ ياريپ‌ گيدر آوينگ‌ ياغشي‌سين‌

 

عشق‌ مني‌ يانديردي‌، جانيم‌ كسل‌دير

درد باشدان‌ آشادير، ايشيم‌ اوسال‌دير

بو قديم‌دان‌ بولوپ‌ گلن‌ مثل‌دير

كيرپي‌ ياريپ‌ گيدر قاوين‌ ياغشي‌سين‌

 

مونس‌ بولار ديل‌ني‌ بيلسنگ‌ وحشي‌نينگ‌

حقين‌ ناحق‌ ايله‌مه‌گين‌ قونگشي‌نينگ‌

عقلينگ‌ بولسا، آبرايلي‌ كيشي‌نينگ‌

يامانين‌ اورتوبان‌، يايينگ‌ ياغشي‌سين‌

 

مختومقلي‌، بو دستور زمانا

ياغشي‌ني‌ ييغلاديپ‌، جوشار يامانا

قارداش‌لاري‌ يوسف‌ ديين‌ جانانا

روا گورمه‌ديلر جايينگ‌ ياغشي‌سين‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی