آيريلديم


بلبلم‌، آهي‌-زار چكيپ‌

تازه‌ گلزاردان‌ آيريلديم‌

گوزدن‌ قانلي‌ ياشيم‌ دوكوپ‌

اول‌ سوور ياردان‌ آيريلديم‌

 

يارا ياراشار سرمه‌چه‌

صفاتين‌ سويلارم‌ آنچا

لبي‌ شكر، آغزي‌ غنچه‌

زلفي‌ قارادان‌ آيريلديم‌

 

شيرين‌ جاندا يوقدور ط‌اقت‌

جبري‌ آنينگ‌ جانا راحت‌

قاشلاري‌ فتنه‌يي‌-آفت‌

چشمي‌ خونخواردان‌ آيريلديم‌

 

آيريلديم‌ غنچه‌ گليمدن‌

سياه‌ ساچي‌ سنبليمدن‌

خوش‌ آوازلي‌ بلبليمدن‌

شيرين‌ گفتاردان‌ آيريلديم‌

 

دالي‌ كونگلوم‌ آرزيماني‌

كلي‌ گوزللرينگ‌ خاني‌

سكيز جنتينگ‌ بوستاني‌

باغچالي‌ باردان‌ آيريلديم‌

 

ايللري‌ بار دينگلي‌-دينگلي‌

ساويق‌ سوولي‌،تر اولنگلي‌

ايلي‌ - گوكلنگ‌، آدي‌ منگلي‌

نازلي‌ دلداردان‌ آيريلديم‌

 

مختومقلي‌ عاشق‌ مستان‌

باغلاديم‌ شانينا دستان‌

منزلگاهي‌ باغ‌ و بوستان‌

آلمالي‌ ناردان‌ آيريلديم‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی