قوملي‌چيقيپ‌دير



حق‌ تعالا، بو نه‌-نيچيك‌ احوال‌ دير
دوري‌ دييپ‌ ايچديگيم‌ قوملي‌ چيقيپ‌دير
نه‌ يسر بيهوده‌ شوم‌-كج‌ اقبال‌ دير
حلال‌ دييپ‌ اييديگيم‌ جيملي‌ چيقيپ‌دير
 
كيمسه‌ سيريم‌ بيلمز، اوزون‌ اولدورسه‌
 فقير بنده‌لرگه‌ تانگري‌ بيلديرسه‌
ايله‌ شادليق‌، شاديانليق‌ گولدورسه‌
مانگا همرا بولان‌ غملي‌ چيقيپ‌دير
 
آموخته‌ من‌ اورتنماگه‌، بيشماگه‌
 كيشي‌ يوق‌ سوزله‌شيپ‌، درد آيديشماغا
اوبا اوجوندان‌ بارديم‌ اوي‌ سوراشماغا
يا لال‌دير، يا آغزي‌ موملي‌ چيقيپ‌دير
 
مندن‌ شكايت‌ ادر اليم‌ گره‌نيم‌
غالبيردان‌ چال‌ چيقار سيريم‌ بره‌نيم‌
فقير دييپ‌، پاشماغنا اليم‌ اورانيم‌
دپرننده‌، ديودن‌ دملي‌ چيقيپ‌دير
 
مختومقلي‌، حسابي‌ يوق‌ گوره‌نيم‌
 طاما توتوپ‌، اميد الين‌ گره‌نيم‌
اوباسينا ارميش‌ ديييپ‌ بارانيم‌
اتگنه‌ ال‌ اورسام‌،... چيقيپ‌دير

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی