قولداباري‌بولماسا



 زمانا بيله‌ دير ـ گوزه‌ ايلمزلر
هر كيشي‌نينگ‌ قولدا باري‌ بولماسا

يوز تومن‌ليك‌ سوزون‌ شايا آلــمازلار
هر كيشي‌نينگ‌ اعتباري‌ بولماسا

تن‌بيردارقفس‌ دير، جان‌ بير وحشي‌ دير
تيله‌ گلن‌ سوزلر كونگول‌ نقشي‌ دير

اوتلي‌، سوولي‌ تاموغ‌ آندان‌ ياغشي‌ دير
هر يوويردينگ‌ بير بازاري‌ بولماسـا

بگزاده‌لار قالدي‌ چوپان‌ تاهريــــنه
تن‌ هاچان‌ دوز گلر ييلان‌ زهرينــه‌

بي‌باد بولوپ‌دونسون‌ لوط‌ينگ‌ شهرينه
هر اولكانينگ‌ حاكم‌ اري‌ بولماسـا

دنياده‌ آنگلاردان‌ آنگلاماز كان‌ ديــــر
بيلمز بير بلادير، بيلن‌لر ــ جان‌ ديــر

اول‌ ييگيت‌لر آدم‌ ديل‌لي‌ حيوان‌ ديــــر
سوز آنگماسا هم‌ اقراري‌ بولماســا

ييگيده‌ يوقسولليق‌ يامان‌ بلا ديــر
سوزوني‌ دنگ‌-دوشدان‌ قايرا سالا دير

يامان‌ قيليق‌ دوستي‌ دوشمان‌ قيلا دير
قوريپ‌ قالسين‌ ايل‌ در كاري‌ بولماسا

حق‌ هر كيمه‌ بير ياغشي‌ يار برمان‌ دير
سوزي‌ آه‌ دير ايچي‌ دولي‌ آرمان‌ دير

يوز ياشاسا، باش‌ گون‌ عمر سورمان‌ دير
هر كيمينگ‌ مناسب‌ ياري‌ بولماسا

مختومقلي‌ حقه‌ تابشير اوزونگــني
هر نامرده‌ سارارتماغيل‌ يوزونگني‌

ترخوسيم‌ بار، ترك‌ ايله‌گيل‌ سوزونگني‌
ناگه‌ گرك‌ خريـداري‌ بولماسا

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی