قلندربيله‌



گوررگه‌ صفا من‌، تانيرغا دلكش‌
ديوانه‌ همدميم‌ قلندر بيله‌
چكديگيم‌ نالادير، يوره‌گيم‌ غمكش‌
خوراكيم‌ آتش‌ دير سمندر بيله‌
 
جسديم‌ خوش‌نما، جگريم‌ بريان‌
يوره‌گيم‌ پرغم‌دير، گوزلريم‌ گريان‌
ديليم‌ قوش‌ تيلي‌دير، صورتيم‌ انسان‌
همزبانام‌ بارچا چمندر بيله‌
 
فلك‌ كينه‌ چكميش‌، ايام‌ آت‌ اتميش‌
دولتيم‌ بوينونا قيل‌ كمند آتميش‌
اقباليم‌ ايشيگين‌ بختيم‌ بند اتميش‌
داشين‌ دمير، ايچين‌ كولوندر بيله‌
 
حاجتيم‌ بار، يا حق‌، ايله‌ تدبيريم‌
مقصديم‌ شانينا توقونا تيريم‌
درمانده‌ قاليپ‌ من‌، ايله‌ دستگيريم‌
خضر آتا، عيسي‌ پيغامبر بيله‌
 
مختومقلي‌آيدار، ير يوزون‌ يوزسنگ‌
آخري‌ اولوم‌ دير دنياني‌ دوزسنگ‌
اوچ‌ يوز اللي‌ آلتي‌ ييل‌ عالمي‌ گزسنگ‌
پيلقوس‌ اوغلي‌ شاه‌ اسكندر بيله‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی