قالماغالی نیلرم


اهل‌ حال‌ بولسام‌، ديير من‌: اوزگه‌ حالي‌ نيلرم‌
بو ساويلماز دردي‌، سانسيز قالماغالي‌ نيلرم‌
اولي‌ ذوق‌ و سرور، حسراتلي‌ مالي‌ نيلرم‌
آخري‌ موت‌ و قبور، بو بوش‌ خيالي‌ نيلرم‌
بولموشام‌ من‌ ذوق‌ اهلي‌، اسباب‌ ملالي‌ نيلرم‌
 
دوشدي‌ عشقينگ‌ آتشينا، قيلچا جانيم‌ كويدي‌، يار
قوري‌ جسميم‌ اودون‌ ايلاپ‌ اوتغه‌ ياقماقدا نه‌ بار
غمدا كونگلوم‌ بيقرار دير، باشدا درديم‌ صدهزار
آنينگ‌ اوچين‌ دهر ارا بير گوشه‌ قيلديم‌ اختيار
اختياريم‌ يوق‌ تورور، جنگي‌ - جدالي‌ نيلرم‌
 
گورنوشينگ‌ عشرت‌نما، گوركونگ‌ اوچين‌گونگلوم‌گداز
قيسغا اقباليم‌ قولي‌، دوست‌، دامن‌ وصفينگ‌ دراز
پر خط‌ر، اول‌ يول‌ ييراق‌، عشقينگ‌ گران‌، قواتيم‌آز
دوشموشم‌ بير مشكله‌، سن‌ سن‌ بو ايشه‌ چاره‌ساز
التفاتينگ‌ ايمدي‌ قيل‌، اوتگن‌ محالي‌ نيلرم‌
 
هر زمان‌، مختومقلي‌، خلق‌ ايچره‌ گلمز لاف‌ اديپ‌
ساقلا غيبت‌دان‌ تيلينگ‌، اوغروندا گز انصاف‌ اديپ‌
ال‌ اوزاتما كوپ‌ فساده‌، يور خدادان‌ خوف‌اديپ‌
صوفي‌ليق‌ اسبابي‌ خوشدور، گي‌ ايچينگ‌ني‌صاف‌اديپ‌
بولسا موي‌ - موجك‌ ايچيم‌، بو اسكي‌ شالي‌ نيلرم


تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی