قيزمالي‌بولدوم



عشق‌ درياسي‌ دولدي‌، داشدي‌، قاينادي‌
تازه‌ خروش‌ ايلاپ‌ قيزمالي‌ بولدوم‌
كونگول‌ تختي‌ موج‌ اوستونده‌ اوينادي‌
آندا غواص‌  بولوپ‌، يوزمه‌لي‌ بولدوم‌
 
ياتيرديم‌ دويش‌ گوردوم‌، تيسگينديم‌ توردوم‌
عشق‌ بير مشكل‌ ايشدير، اوقيديم‌، گوردوم‌
شوقين‌ شيرين‌ گوردوم‌، بو يولا گيرديم‌
ايمدي‌ چاره‌ يوقدور، دوزمه‌لي‌ بولدوم‌
 
يارينگ‌ يلي‌ اوسدي‌، اوزي‌ گيزلندي‌
اميد الين‌ گردي‌، شونچا گوزلندي‌
هجران‌ قواتلاندي‌، عشق‌ تازه‌لندي‌
اول‌ مط‌بخده‌ قايناب‌، قيزمالي‌ بولدوم‌
 
يولدا يولوقديرديم‌ چشمي‌ جادي‌ني‌
اولچرديم‌، ال‌ چويدوم‌ عشقينگ‌ اوديني‌
كونگول‌ گوزگوسينه‌ يارينگ‌ آديني‌
حكاك‌ليك‌ ايله‌ييپ‌، قازمالي‌ بولدوم‌
 
بو فكردن‌، بو خيالدان‌ داش‌ بولوپ‌
نفس‌ هوي‌، كبر، كيندن‌ بوش‌ بولوپ‌
اول‌ بازاردا عشق‌ تالانه‌ دوش‌ بولوپ‌
بللي‌، جاندان‌ اميد اوزمه‌لي‌ بولدوم‌
 
قانا-قانا ايچديم‌ دوستونگ‌ زهريني‌
زهرين‌ شفا سانديم‌، سالماز مهريني‌
بو گووره‌ده‌ قورلان‌ كونگول‌ شهريني‌
عشقه‌ نوكر بولوپ‌، بوزمالي‌ بولدوم‌
 
مختومقلي‌، اول‌ منزله‌، دياره‌
گيرن‌، قايديپ‌ چيقا بيلمز كناره‌
اي‌ يارانلار، بارمي‌ بو درده‌ چاره‌
اورته‌نيپ‌، جاورانيپ‌ گزمه‌لي‌ بولدوم‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی