قيلدي‌يارانلار



 حمد آيدايين‌ اول‌ يارادان‌ خدايه‌
اول‌ بيزي‌ يوقدان‌ بار قيلدي‌، يارانلار
اوزي‌ زينت‌ بردي‌ گون‌ بيلن‌ آيه‌
قدرتيني‌ آشكار قيلدي‌، يارانلار
 
بارچه‌نينگ‌ آتاسي‌ اول‌ آدم‌ صبي‌
اوندان‌ پيدا بولدي‌ سان‌سيز مونگ‌ نبي‌
حاصل‌ بولماي‌ هيچ‌ بيرينينگ‌ مط‌لبي‌
دنيا گليپ‌، آغلاپ‌ اوتدي‌، يارانلار
 
چاريارلار حق‌ ديييپ‌ گوزدن‌ ياش‌ اتدي‌
اولار يامانليقدان‌ اوزون‌ داش‌ اتدي‌
علي‌ بير ايلده‌ يوق‌ ياغشي‌ ايش‌ اتدي‌
غريب‌ مختومقلي‌ آيتدي‌، يارانلار
 
علي‌نينگ‌ ايشيگنه‌ بير گداي‌ گلدي‌
قول‌ قووشيريپ‌، خيري‌ دعالار قيلدي‌
"بير خاتينيم‌ باردي‌، خاسسالاب‌ اولدي‌
بير قيزيم‌ ياش‌ قالدي‌" دييدي‌، يارانلار
 
دييدي‌: "شول‌ مقصديم‌، سانگا عرضيم‌ بار
مسلمان‌ من‌، سنتيم‌ بار، فرضيم‌ بار
بير حاجتيم‌ قيرق‌ مونگ‌ ط‌لا قرضيم‌ بار
مانگا بير خير ادينگ‌!" دييدي‌، يارانلار
 
شول‌ زامانده‌ بير باي‌ جهود بار اردي‌
علي‌ شول‌ جهودينگ‌ يانينا باردي‌
"سن‌مانگا بير قيرق‌ مونگ‌ ط‌لا بر" دييدي‌
ايكي‌ اوغلين‌ گرو قويدي‌، يارانلار
 
جهود بردي‌ اونگا قيرق‌ مونگ‌ ط‌لاني‌
علي‌ شير خدا ياتلاب‌ الله‌ني‌
"حسن‌ امام‌ بيلن‌ اول‌ حسين‌ شاه‌ني‌
اوزونچام‌ گرو آل‌!" دييدي‌، يارانلار
 
جهود اوغلانلارني‌ آلدي‌-دا گيتدي‌
ايكي‌ شاهزاداني‌ اويونه‌ التدي‌
علي‌ آلغان‌ پولين‌ گدايه‌ بردي‌
گداي‌ دعا قيليپ‌ گيتدي‌، يارانلار
 
بو ايشني‌ اشيتدي‌ كافر، مسلمان‌
اشيدنلر همه‌ قالديلار حيران‌
خداييمينگ‌ شيري‌ اول‌ شاهمردان‌
اشيدن‌ ايل‌ تاسين‌ قالدي‌، يارانلار
 
بير جهود بار اردي‌ اوشبو زمانده‌
بايليغي‌ كوپ‌، غمسيز اردي‌ جهانده‌
ايل‌ اشيديپ‌، همه‌ تصديق‌ قيلانده‌
اوشول‌ جهود منكر بولدي‌، يارانلار
 
منكر بولوپ‌، گيجه‌ اويونده‌ ياتدي‌
گيجه‌سي‌ آغشامدان‌ سحره‌ يتدي‌
قدرت‌ بيلن‌ حق‌ اوقودان‌ اوياتدي‌
بير آقجا ايت‌ بولوپ‌ توردي‌، يارانلار
 
آق‌ ايت‌ بولوپ‌ ايلدن‌ گوندن‌ سايلانيپ‌
آدم‌ صورتيندان‌ ايته‌ آيلانيپ‌
عقلي‌ يرينده‌ بير آق‌ ايت‌ بولوپ‌
ايشيكدن‌ چيقماغا باردي‌، يارانلار
 
كله‌سيني‌ سوسنگه‌ديپ‌ قابساني‌ آچدي‌
مونينگ‌ مشكل‌ ايشلر باشينه‌ دوشدي‌
پشيمانلار اديپ‌، گوز ياشين‌ ساچدي‌
"واي‌، منينگ‌ حاليمه‌" دييدي‌، يارانلار
 
چاره‌ تاپمان‌، ينه‌ ايشيكدن‌ گيردي‌
اوغلان‌ اوشاق‌ همه‌ اوقيده‌ اردي‌
جوو - جوولاپ‌، عيالي‌نينگ‌ يانينا باردي‌
مانگلايينه‌ يوزون‌ قويدي‌ يارانلار
 
عيالي‌ خوف‌ بيلن‌ تيسگينيپ‌ توردي‌
اوغلان‌ اوشاقلاري‌ اوقيده‌ اردي‌
"اويده‌ ايت‌ بار" ديييپ‌، باريسي‌ توردي‌
هر هايسي‌ بير تاياق‌ آلدي‌، يارانلار
 
اوشول‌ ايتني‌ تاياق‌ بيلن‌ اورديلار
يرلي‌ يردن‌ كوپلاپ‌ آزار برديلر
تا قوللاري‌ ياداغينچا اورديلار
مشقت‌ عذابلار تارتدي‌، يارانلار
 
آخر علاجي‌ يوق‌، اول‌ اويدن‌ چيقدي‌
گوزيندن‌ قان‌ بيلن‌ ياشلارين‌ دوكدي‌
اوزگه‌ يرگه‌ گيتمه‌ي‌، عيالينا باقدي‌
عيال‌ حيران‌ بولوپ‌ قالدي‌، يارانلار
 
نيچيك‌ ايت‌ اكن‌ دييپ‌، اوندا اول‌ زنان‌
اول‌ ايته‌ رحم‌ اديپ‌، بردي‌ اونگا نان‌
نان‌ برسه‌لر، داشه‌ دوندي‌ اول‌ زمان‌
ايل‌ گورمه‌گن‌ عذاب‌ گوردي‌، يارانلار
 
سوو بريپ‌ گورديلر اونگا اول‌ زمان‌
بوغازدان‌ اوتمه‌ين‌ بولدي‌ اونگا قان‌
همه‌ گورن‌ اونگا قالديلار حيران‌
كوپ‌ يامان‌ عذابلار تارتدي‌، يارانلار
 
ينه‌ اوني‌ قاولاديلار، اورديلار
"ييت‌-ييت‌!" ديييپ‌، كوپ‌ عذابلار برديلر
اوني‌ قاولاپ‌، او يان‌ بو يان‌ سورديلر
بير چول‌ بيابانه‌ چيقدي‌، يارانلار
 
اول‌ گيتدي‌ چول‌ بيلن‌، گوزلري‌ گريان‌
بير سانسيز كوپ‌ ايته‌ يولوقدي‌ اول‌ زمان
آرا آليپ‌، عذاب‌ برديلر چندان‌
اعضاسي‌ قارا قان‌ بولدي‌، يارانلار
 
كوپ‌ عذابلار تارتدي‌ اول‌ ايت‌ بيچاره‌
بولوپ‌ اعضالاري‌ هم‌ پاره‌ پاره‌
اندامينه‌ دوشوپ‌ سانسيز بير ياره‌
ايتلردن‌ قوتوليپ‌ گيتدي‌، يارانلار
 
بير چوله‌ باردي‌، اول‌ بر   مجنون‌
يوللار قومليق‌، هوا ايسسيغ‌ اردي‌ چون‌
بيابانه‌ باريپ‌، حالي‌ كوپ‌ زبون‌
ديللري‌ آغزيندان‌ چيقدي‌، يارانلار
 
اول‌ ايت‌ بولوپ‌، شونچا جزاسين‌ تاپدي‌
سووسيزليقدان‌ آغزي‌ بورني‌ هم‌ كپدي‌
ميدان‌ گورسه‌،سوو دييپ‌، سالغينه‌ چاپدي‌
كوپ‌ وقت‌ ديلين‌ ساللاپ‌ يوردي‌ يارانلار
 
ايلينگ‌ كونگلينه‌ كوپ‌ فكر دوشدي‌
دييدي‌: "منينگ‌ اريم‌ نه‌ يرگه‌ دوشدي‌
آيلاريم‌ قوتولدي‌، گونلريم‌ ياشدي‌
اريمدن‌ درك‌ يوق‌" دييدي‌، يارانلار
 
شول‌ ايامده‌ قارري‌ ماما بار اردي‌
فال‌ قرعه‌دان‌ هر بير ايشدن‌ بيلردي‌
بير گون‌ گيتدي‌، عيال‌ اوني‌ چاغيردي‌
عرض‌ حالين‌ بيان‌ اتدي‌، يارانلار
 
"بير نيچه‌ گون‌ بولدي‌، ييتيپدير اريم‌
هايسي‌ يانا گيتدي‌، يوقدور خبريم‌
دره‌گين‌ تاپماسام‌ يوقدير قراريم‌
مانگا بير فال‌ آتغين‌" دييدي‌، يارانلار
 
ماما آيتدي‌: "ارينگ‌ آق‌ ايت‌ بولوپ‌دير
بر مجنون‌ دييگن‌ چوله‌ باريپدير
سووسيزليقدان‌ ديلين‌ ساللاپ‌ يوروپدير
سبابي‌ منكرليك‌" دييدي‌، يارانلار
 
"علي‌نينگ‌ ايشيگنه‌ بير گداي‌ گلميش‌
قيرق‌مونگ‌ ط‌لا قرضيم‌ باردييپ‌ يالبارميش‌
علي‌ ايكي‌ اوغلين‌ چون‌ گرو قويميش‌
خلق‌ اشيديپ‌، حيران‌ قالدي‌، يارانلار
 
همه‌ خلق‌ اينانيپ‌، تصديق‌ قيليپدير
حضرت‌ علي‌غا حيران‌ قاليپدير
سنينگ‌ ارينگ‌ اونگا منكر بولوپ‌دير
شول‌ سباپدن‌ آق‌ ايت‌ بولدي‌، يارانلار"
 
عيال‌ آيتدي‌: "مصلحت‌ بر ماماجان‌
نه‌ ايش‌ بيلن‌ اريم‌ قولغه‌ سالار من‌؟
اريم‌ تاپماي‌ نيچيك‌ قرار قيلار من‌؟
ماماجان‌ گنگش‌ بر" دييدي‌، يارانلار
 
ماما آيتدي‌: "بر مجنونغه‌ بارغين‌
ارينگ‌ بير آق‌ ايت‌دير تاناغين‌، گورگين‌
اول‌ چولده‌ باشغا ايت‌ يوق‌ تورار، بيلگين‌
ايت‌ گورسنگ‌، ارينگدير" دييدي‌ يارانلار
 
"تانيسانگ‌، قولينگه‌ بير يوپين‌ آلغين‌
اول‌ يوپي‌ آق‌ ايتينگ‌ بوينونه‌ سالغين‌
سويراپ‌، مديناگه‌ سن‌ آليپ‌ گلگين‌
پيغامبره‌ گوركز" دييدي‌، يارانلار
 
اول‌ فالچي‌ مامادان‌ بو سوزي‌ اشيتدي‌
اويدن‌ چيقيپ‌، بر مجنونه‌ گيتدي‌
مشقت‌لار بيلن‌ اول‌ چوله‌ يتدي‌
آق‌ ايتني‌ گوزلاپ‌ يوردي‌، يارانلار
 
يولي‌ قومليق‌، ايسسي‌ اردي‌ هواسي‌
دوزخدان‌ زياده‌ چولينگ‌ بلاسي‌
اول‌ آق‌ ايتي‌ آخر تاپدي‌ ـ اول‌ عاصي‌
بوينونه‌ يوپ‌ ساليپ‌ تارتدي‌، يارانلار
 
عذاب‌ بيلن‌ مديناگه‌ گتيردي‌
يولدا ياداپ‌ نيچه‌ پيله‌ اوتوردي‌
پيغامبر يانينا ارين‌ گتيردي‌
رسول‌:"بو نه‌ سر؟" دييپ‌ آيتدي‌، يارانلار
 
خاتين‌ آيتدي‌: "بو اريمدير، بد بولدي‌
مونينگ‌ بد بولماغي‌ ايله‌ ست‌ بولدي‌
مرتضي‌غا منكر بولوپ‌، ايت‌ بولدي‌
سيزگه‌ آليپ‌ گلديم‌" دييدي‌، يارانلار
 
رسول‌ آيتدي‌: "خاتين‌، بو يردن‌ گيتگين‌
هر بير ايشينگ‌ بولجاق‌ يرينه‌ يتگين‌
منكر بولان‌ بولسه‌، علي‌غا التگين‌
نه‌ قيلسه‌، اول‌ قيلار" دييدي‌، يارانلار
 
اول‌ خاتينينگ‌ جاني‌ قالدي‌ بلاغا
سوره‌ي‌ سوره‌ي‌، ايتي‌ التدي‌ صحراغا
آخر آليپ‌ باردي‌ شير خداغا
شير خدا ايتني‌ گوردي‌، يارانلار
 
خاتين‌ آيتدي‌ اوندا: "يا شير خدا
بول‌ منينگ‌ اريم‌دير، اوزيم‌گه‌ همرا
سيزه‌ منكر بولان‌ بو عاصي‌ گمرا
ايندي‌ آليپ‌ گلديم‌" دييدي‌، يارانلار
 
"ايندي‌ آليپ‌ گلديم‌، يا شاهمران‌
قارادير يوزلري‌، موندادير عصيان‌
گناسين‌ باغيشلانگ‌، يا شير سبحان‌
اختيار سيزدن‌ دير" دييدي‌، يارانلار
 
علي‌ بو خاتيندان‌ سوزين‌ اشيتدي‌
اونگا رحمي‌ گليپ‌، گناسين‌ اوتدي‌
"اي‌ منكر!" ديييپ‌، بير شاپبادي‌ دارتدي‌
آدم‌ صفتينه‌ گلدي‌، يارانلار
 
كرم‌ ايلاپ‌، اونگا اول‌ شير سبحان‌
كرامت‌ گوركزيپ‌ اول‌ شاهمردان‌
جهود بولوپ‌ اوز ايشيندن‌ پشيمان‌
آخر ياغشيليغه‌ دوندي‌، يارانلار
 
ار ـ خاتين‌ ايكيسي‌ كلمه‌ آيديپ‌
مسلمان‌ بولديلار راييندان‌ قايديپ‌
بولار بو ايش‌ بيلن‌ مراده‌ يتيپ‌
خداغا كوپ‌ شكر قيلدي‌، يارانلار
 
غريب‌ مختومقلي‌ عاصي‌ گنهكار
گناهيم‌ باغيشلا، يا پروردگار
اوقيغان‌ بنده‌دن‌ كوپ‌ اميديم‌ بار
دعا قيلغين‌ ديييپ‌ آيتدي‌، يارانلار

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی