كيمسه‌گيديپ‌بارادير{



دوستلار بو دنياگه‌ يوقدور اعتبار
كيمسه‌ گليپ‌، كيمسه‌ گيديپ‌ بارادير
خوش‌ گچير كيمسه‌لر، كيمسه‌ خواروزار
قارا ير بارچاني‌ يووتوپ‌ بارادير
 
كيمسه‌لر قارري‌دير، كيمسه‌لر ياش‌دير
كيمسه‌لر توانگر، كيمسه‌ غلاج‌دير
محشر ساري‌ بارغان‌ بير اولوغ‌ گوچدور
كينيميزدن‌ اجل‌ يتيپ‌ بارادير
 
فلك‌ بير بقال‌دير، دنيا بير بازار
كيمسه‌ ياغشي‌ يولدا، كيمسه‌لر آزار
كيمسه‌لر الله‌دان‌ قيلمازلار حذر
كيمسه‌ حق‌ بويروغين‌ توتوپ‌ بارادير
 
كيمسه‌لر باخشي‌دير، كيمسه‌ ملا دير 
كيمسانينگ‌ تيلينده‌ اسم‌ الله‌دير
كلي‌سيندن‌ ياد الله‌ اولادير
كيمسه‌ شيط‌ان‌ سوزون‌ بيتيپ‌ بارادير
 
مختومقلي‌ اميد اتمك‌ خدادان
يالبارماق‌ ـ گدادان‌، يالقاماق‌ ـ شادان‌
نفعي‌ يوقدور، كيم‌ سانگا ماسواالله‌دان
كيمسه‌ گونين‌، كيمسه‌ ياتيپ‌ بارادير

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی