كلاه‌لي‌گلدي



بير گيجه‌ ياتيرديم‌، بير احوال‌ گوردوم‌
بير بولك‌ باشلاري‌ كلاه‌لي‌ گلدي‌

تيسگينيب‌ اويانديم‌، يريمدن‌ توردوم‌
قوللاري‌ ط‌لادان‌ عصالي‌ گلدي‌

بير بولك‌ ارن‌لر تكريم‌ني‌ ايلاپ‌
آل‌ و ياشيل‌ گييپ‌، اسبابين‌ شايلاپ‌

توتدوم‌ بيري‌سيني‌ باريندان‌ سايلاپ‌
لب‌لري‌ شكردن‌ مازالي‌ گلدي‌

بير پري‌ ساللانيپ‌، سيله‌ چيقيپ‌ دير
غمزه‌ بيرله‌ قلم‌ قاشين‌ قاقيب‌ دير

منينگ‌ جانيم‌ عشق‌ اودونا ياقيپ‌ دير
باشلاري‌ ط‌لا دان‌ جيغالي‌ گلدي‌

جفالار چكيب‌ دير يار دياريندا
باغدا بيتن‌ آلما بيله‌ ناريندا

مختومقلي‌ بير پري‌نينگ‌ زايريندا
همه‌سي‌نينگ‌ تيلي‌ ثنالي‌ گلدي

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی