كج‌ديريارانلار



نمازخوان‌ درويش‌لر، دولت‌لي‌ باي‌لار
فلكينگ‌ گردشي‌ كج‌ دير يارانلار
منت‌لي‌ اوقالان‌ نماز يول‌ آلماز
دولته‌ دايانمانگ‌، پوچ‌ دير يارانلار
 
سيقيلسا بورون‌لار، سارالسا يوزلر
قوريسا دوداقلار، بولماسا سوزلر
گوگرسه‌ ديرناق‌لار، آغارسا گوزلر
ايماندان‌ اوزگه‌سي‌ هيچ‌ دير يارانلار
 
اصلينگ‌ آويچ‌ قوم‌ دير، دم‌ بير نفس‌ دير
اوزونگه‌ بير گوزله‌ ايشينگ‌ عبث‌ دير
جسد بير منزل‌ دير، تن‌ بير قفس‌ دير
جان‌ بير گوزي‌ باغلي‌ قوش‌ دير يارانلار
 
غافل‌ بولمانگ‌، دنيا گلن‌ اوترلر
موندا خوشوقت‌ بولمانگ‌، باردير بترلر
چكيلر كرون‌لر، يورير خاط‌ارلار
بير ايزي‌ اوزولمز گوچ‌ دير يارانلار
 
اجل‌ ياقانگ‌ توتار، بير گون‌ باغيردار
گيدن‌ قايديپ‌ گلمز، بو بير اوغوردير
منزل‌لر ايراق‌ دير، يوك‌لر آغيردير
ايرته‌راك‌ ترپه‌نينگ‌، گيچ‌ دير يارانلار
 
قوتولار سن‌ حق‌ يولونا جان‌ برسنگ‌
حله‌ بولار بير غريبه‌ دون‌ برسنگ‌
سايا بولار بير محتاجه‌ نان‌ برسنگ‌
بير آجي‌ دويورماق‌ حج‌ دير يارانلار
 
بو دنيا دييگه‌نينگ‌ ايكي‌ ورق‌دير
ياريسي‌ قارادير، ياريسي‌ آق‌دير
بير گيجه‌ دويش‌ گوردوم‌، ارتيري‌ يوق‌دير
دنيانينگ‌ تمثالي‌ دويش‌ دير يارانلار
 
مختومقلي‌ بويون‌ قويغول‌ بو امره‌
دنيا مشغول‌ بولوپ‌، قالماغيل‌ گمره‌
يوز ييل‌ليق‌ تتاريك‌،باش‌ گونليك‌ عمره‌
عقل‌ ايلانگ‌، نيچيك‌ ايشدير يارانلار

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی