كويمان‌ييگيده‌



اولالاندا ايش‌ خوش‌ گلمز
ياشليقدا كويمان‌ ييگيده‌
دولت‌ گلسه‌، اوزون‌ بيلمز
دوغالي‌ دويمان‌ ييگيده‌
 
يامانا اوويت‌ عبث‌ دير
ياغشي‌ اره‌ بير سوز بس‌ دير
يوريشيني‌ يالنگيش‌ باسدير
يانگي‌ دون‌ گيمان‌ ييگيده‌
 
جبه‌، جوشن‌، زره‌ - ساويت‌
كسرلي‌ قيليچ‌، عرب‌ آط‌
سووش‌ گوني‌ گيدر اويات‌
غيراتي‌ بولمان‌ ييگيده‌
 
چوپان‌ آدم‌ چوقا بولماز
آلا قارغا اوقا گلمز
كوپ‌ ييغيلسا ترخوس‌ آلماز
آنگيرسي‌ بولمان‌ ييگيده‌
 
قوللوق‌ يتيرگين‌ جانينگدان‌
آياما پارچا نانينگدان‌
قانلي‌ بولسا گچ‌ قانينگدان‌
بير غريب‌ ميهمان‌ ييگيده‌
 
دنياده‌ هيچ‌ كيم‌ قالماندير
مال‌ جانا يولداش‌ بولماندير
گويا بو دينا گلماندير
بير ذريات‌ قويمان‌ ييگيده‌
 
آلتين‌ كوموش‌ ميس‌ گورونر
دولا قيرناق‌ تويس‌ گورونر
پريزاد خاتين‌ پيس‌ گورونر
بير خلقي‌ سويمان‌ ييگيده‌
 
مال‌ دونر جهان‌ دويرماگه‌
دورار ات‌ قانينگ‌ سورماغا
ماليندان‌ زكات‌ برماگه‌
گوزلري‌ قييمان‌ ييگيده‌
 
مختومقلي‌ يولدان‌ چيقماز
يامانا ياغشي‌ سوز ياقماز
مونگ‌ سوز آيتسانگ‌، بيري‌ يوقماز
تانگريسي‌ قويمان‌ ييگيده‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی