گمان‌گورونر



بو دم‌ غنيمت‌دير، نچون‌ بيلمز من‌
چيقسا دم‌، گيرمه‌سي‌ گمان‌ گورونر
بيزدن‌ بورون‌ گلن‌ گوچوپدير تانگلا
يول‌ اوزاق‌، قارانگقي‌، دومان‌ گورونر
 
عاقل‌ اولسانگ‌، ايسته‌ بو يولدا بير پير
رزقينگا كفيل‌ دير الله‌ مقدر
آلتين‌ - كوموش‌، آلماز، ياقوت‌ ايله‌ در
دان‌ غيري‌ تمام‌ زيان‌ گورونر
 
الله‌ني‌ اونوديپ‌، عقيلنگ‌ ييتيرمه
هر نفس‌ آگاه‌ بول‌، غفلت‌ گتيرمه‌
بيهوده‌، بي‌پيدا عمرينگ‌ اوتورمه‌
دنيا بقاسيزدير، عيان‌ گورونر
 
خوجه‌، سيد، پادشاه‌ ــ سورالماز نسب
حشر-نشر بولسا، آلارلار حساب‌
حرامه‌ عذاب‌ بار، حلاله‌ ثواب‌
موندا ياغشي‌، آندا يامان‌ گورونر
 
مختومقلي‌، خبر آلديم‌ قرآن‌دان
اثر يوقدور اول‌ گيتگن‌ كرون‌دن‌
تانگلا يالغوز ياتماق‌ليغينگ‌ اول‌ گوردن‌
قارداش‌ ييلان‌ بيلن‌ ايچيان‌ گورونر

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی