گلمزمي‌؟



فلك‌، سنينگ‌ بو دولتلي‌ گردانينگ‌
بيزينگ‌ ساري‌ اووريلمزمي‌، گلمزمي‌؟!
لاشين‌ يره‌ سالدينگ‌ نيچه‌ مردانينگ‌
زمين‌ انصاف‌ ايله‌مزمي‌، دولمازمي‌؟!
 
دنيا، سنينگ‌ بو گزكلي‌ گردشينگ‌
قيزيل‌ قاندان‌ قيرميز بولوپ‌دير ديشينگ‌
گچي‌،قورت‌ دوستلوغنا منگزار اديشينگ‌
غملي‌ شاد اولمازمي‌، آغلان‌ گولمزمي‌؟!
 
اوراق‌سيز اورار سن‌، تيغ‌سيز كسر سن‌
يومروق‌سيز يوزر سن‌،يوپ‌سيز آسار سن‌
ال‌ - آياق‌سيز بير بي‌خبر باسار سن‌
ييقان‌ باسار ياتار، قايديپ‌ قالمازمي‌؟!
 
فلك‌ بقال‌، اوتار اوروشسانگ‌، سويسنگ‌
گوورانگي‌ گوتريپ‌، قاناتينگ‌ يايسانگ‌
اولومينگ‌ ظ‌لميني‌ بوينونا قويسانگ‌
قورقوسيندان‌سارالمازمي‌، سولمازمي‌؟!
 
مختومقلي‌، هر سحردن‌، صبادان‌
حالي‌ قالما بو ناليشدان‌، دعادان‌
بت‌پرست‌لر بت‌دان‌ آلسا مرادين‌
حاجتيني‌ حقدان‌ ديلان‌ آلمازمي‌؟!

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی