گذشت‌ايله‌



اي‌ كريم‌ كار ساز
گناهيم‌ گذشت‌ ايله‌!
اي‌ رحيم‌ چاره‌ساز
گناهيم‌ گذشت‌ ايله‌!
 
ارمسه‌ كرم‌ سندن‌
 گيتدي‌ اختيار مندن‌
جرميم‌ چيقارديم‌ چندن‌
گناهيم‌ گذشت‌ ايله‌!
 
يوز غم‌ بيرله‌ تنده‌ جان‌
ايسته‌يير سندن‌ آمان‌
فضلينگ‌ بيرله‌، يا سبحان‌
گناهيم‌ گذشت‌ ايله‌! 
 
گرچه‌ اولدوم‌ گناهكار
ستر ايله‌ عيبيم‌، ستار
كرم‌ ايله‌،يا، غفار
گناهيم‌ گذشت‌ ايله‌!
 
لط‌فونگي‌ اظ‌هار ايلاپ‌
كونگلومني‌ قرار ايلاپ‌
توفيقينگي‌ يار ايلاپ‌
گناهيم‌ گذشت‌ ايله‌!
 
عقل‌ يتمز ذاتينا
فكر ايرمز صفاتينا
بيرليگينگ‌ حورماتينا
گناهيم‌ گذشت‌ ايله‌!
 
مالك‌ مخلوق‌، هر نه‌
كيم‌ يتدي‌ صنعونگ‌ سرينا
اوچ‌ مونگ‌ اسمينگ‌ خاط‌رينا
گناهيم‌ گذشت‌ ايله‌!
 
بيز بيچاره‌ امتنينگ‌
امت‌ محمدنينگ‌
حورماتينا احمدنينگ‌
گناهيم‌ گذشت‌ ايله‌!
 
صنعونگ‌ دوشوپ‌ شوقونا
اتدينگ‌ احمد ذوقونا
آسمان‌، زمين‌ حقينا
گناهيم‌ گذشت‌ ايله‌!
 
سخي‌لار احساني‌ چون‌
شهيدلرينگ‌ غاني‌ چون‌
جنبنده‌لر جاني‌ چون‌
گناهيم‌ گذشت‌ ايله‌!
 
سانگا باقان‌ يوزلر چون‌
سن‌ دييپ‌ ييغلان‌ گوزلر چون‌
حمدينگ‌ اوقان‌ سوزلر چون‌
 
گناهيم‌ گذشت‌ ايله‌!
گوك‌ده‌ ييلديز حورماتي‌
يرده‌ نوروز حورماتي‌
گيجه‌-گونديز حورماتي‌
گناهيم‌ گذشت‌ ايله‌!
 
بلند داغلار حقينا
چولده‌ غيرلار حقينا
يرلر، سوولار حقينا
گناهيم‌ گذشت‌ ايله‌!
 
سندن‌ بولماسا هاراي‌
بو منينگ‌ حاليمغا، واي‌
فراغي‌ ديير، يا، خداي‌
گناهيم‌ گذشت‌ ايله‌!

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی