گچيپ‌بارادير



بو دنيا فاني‌ دير، توتماز بناني‌
 بو دنياگه‌ گلن‌  گچيپ‌ بارادير
كيمدير يالانچيدا توتان‌ جهاني‌
توتانينگ‌ ال‌لرين‌ آچيپ‌ بارادير
 
شيرين‌ - شيرين‌ سالار حسابه‌ دنيا
آجي‌ - آجي‌ قويار عذابه‌ دنيا
نه‌ يتدير، نه‌ توتدير بو قهبه‌ دنيا
توتديم‌- توتديم‌ دييسنگ‌، قاچيپ‌ بارادير
 
دورلر دولانار، گردش‌لر دونر
 نيچه‌لر گوچرلر، نيچه‌لر قونار
نيچانينگ‌ مشعلي‌ تازه‌دن‌ يانار
نيچانينگ‌ چراغي‌ اوچوپ‌ بارادير
 
كيمي‌ حقدان‌ قورقوپ‌، رنگي‌ ساراليپ‌
 كيمي‌ دنيا قاوار يوويريب‌، يليپ‌
كيمي‌ يوز حسرتده‌، كيميسي‌ گولوپ‌
كيمي‌ گوزده‌ ياشين‌ ساچيپ‌ بارادير
 
كيمي‌ بگ‌ليگينده‌ دوشمز ايواندان‌
كيمي‌ يوقسول‌ليقدا كايينر جاندان‌
كيمي‌ حرام‌ بيليپ‌، قاچاردير موندان‌
كيمي‌ عرق‌، شراب‌ ايچيپ‌ بارادير
 
كيمي‌ يالانچيدا عشرتده‌ يايلاپ‌
 كيمي‌ حلال‌ قويوپ‌، حرامي‌ سايلاپ‌
كيمي‌ فرقين‌ اتماي‌، بار ايشي‌ ايلاپ‌
گوزي‌ باغلي‌ قوش‌ دي‌ اوچوب‌ بارادير
 
دوشوپ‌ بولماز قهبه‌ فلك‌ آلينا
 دوداغين‌ تومشاندير دنيا مالينا
بير گون‌ اوراغيني‌ آلار الينه‌
اول‌، قوري‌ دالنماي‌، بيچيپ‌ بارادير
 
ايكي‌ گون‌ خوش‌ بولسا، اوچ‌ گوني‌ واي‌ميش‌
نيچيكسي‌ منزل‌ ميش‌، نيچيكسي‌ جاي‌ميش‌
بو دنيا گويا بير كرون‌ سراي‌ميش‌
 گلن‌ يوك‌ يازديريپ‌، گچيپ‌ بارادير
 
مختومقلي‌ آيدار، تيكن‌ يوق‌، گل‌ يوق‌
 ييگيت‌ يوق‌، قارري‌ يوق‌، خوجه‌ يوق‌، قول‌ يوق‌
ديلگ‌چي‌ درماندا، باي‌ يوق‌، يوقسول‌ يوق‌
بارچاسي‌ ير قوينون‌ قوچوپ‌ بارادير

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی