گچدي‌دييدي‌لر



اي‌ يارانلار، ياويز دستان‌ بيتيلدي‌
بير قوچاق‌ فانيدان‌ گچدي‌ دييدي‌لر
آخرزمان‌ بولدي‌، آي‌-گون‌ توتولدي‌
آي‌-گونونگ‌ شعله‌سي‌ياشدي‌دييدي‌لر

ناگهان‌ اوغرادي‌ آيراليق‌ داغي‌
سيديم‌ تارخان‌ چكر درد فراغي‌
عمري‌نينگ‌ حاصلي‌ يالنگيز چراغي‌
باد خزان‌ اوروب‌، اوچدي‌ دييدي‌لر

گيتدي‌ عوض‌ گلدي‌، ينه‌ چوخ‌ زاتلار
بوزولدي‌ صحبت‌لر، غم‌ بولدي‌ شادلار
قارداشلار، سيرداشلار، ياقينلار، يادلار
قارا گييپ‌، قان‌ ييغلاشدي‌ دييدي‌لر

بدو آط‌لي‌، بك‌ كمرلي‌، ياراغلي‌
دولتي‌، زينتي‌ مالينا باغلي‌
ميهمانلي‌ بير اردير، زاتلي‌، اوتاغلي‌
بير بلند اورداسي‌ چاشدي‌ دييدي‌لر

يكه‌ليك‌ حسرتي‌ باشدان‌ اوترميش‌
اوغولسيزليق‌ بارچا ايشدن‌ بترميش‌
ذريات‌سيز ييگيدينگ‌ اورني‌ ييترميش‌
يوردي‌ يوق‌، كروني‌ گوچدي‌ دييدي‌لر

مختومقلي‌، تركستانينگ‌ توره‌سي‌
بير قوچاقدير ـ حسين‌خانينگ‌ سره‌سي‌
ييغين‌ گوركي‌، ياو گوني‌نينگ‌ اوره‌سي‌
اوشبو قارا يري‌ قوچدي‌ دييدي‌لر

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی