لوادابللي



نور مهوش‌ قوياش‌ قوتلوغ‌ حبيبيم‌
آدينگ‌ سردفترده‌، لوادا بللي‌
يدي‌ آسمان‌، دوقوز فلك‌ اوستونده‌
بشر رسولينده‌، زيادا بللي‌
 
ماه‌لارينگ‌ تاجي‌ سن‌، گوزلر چيراغي‌
گوكده‌ ملك‌، يرده‌ بشر يگ‌راگي‌
زمينينگ‌ رافعي‌، گوگونگ‌ ديره‌گي‌
لوح‌ محفوظ‌دا هم‌ سمادا بللي‌
 
شافع‌ المذنبين‌ محشر گونونده‌
مقام‌ اعلا سن‌ حقينگ‌ يولوندا
شام‌ و سحر امتلارينگ‌ تيلينده‌
مومن‌ ديله‌گينده‌، دعادا بللي‌
 
ملك‌لر قيمتينگ‌ بيلمان‌ كبي‌لار
آز بهاغا ساتدي‌ نيچه‌ صبي‌لار
آرزو اديپ‌ گچميش‌ اونگكي‌ نبي‌لر
جليل‌ رحمتي‌ سن‌، ثنادا بللي‌
 
محبتينگ‌ تنده‌، يوره‌كده‌، جاندا
نه‌ بير جاندا، بلكي‌، جمله‌ جهاندا
حور و رضوان‌ اوقير جنت‌ مكاندا
ط‌اها، ياسي‌، بارچا سوره‌ده‌ بللي‌
 
گلسين‌ ديييپ‌ خبر گلگچ‌ حبيبدن‌
براغ‌ مونوپ‌ چيقدينگ‌ ارض‌ شريفدن‌
شفاعتينگ‌ دريغ‌ اتمه‌ غريبدان‌
محشر گون‌ يتيرگين‌ مرادا بللي‌
 
عقليمي‌ آينيتدي‌ عشقينگ‌ هواسي‌
يوز جان‌ بولسا بير گورنوشينگ‌ فداسي‌
مختومقلي‌ دييرلر، شرمنده‌ عاصي‌
آتاسي‌ صحرايي‌ ـ آزاده‌ بللي‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی