محراب‌قايسي‌،بيلمه‌ديم



ابدال‌ مانگا ابد جامين‌ سونالي‌
مسجد قايسي‌، محراب‌ قايسي‌، بيلمه‌ديم‌
اول‌ گدازده‌ جانيم‌ اريپ‌ يانالي‌
آباد قايسي‌، خراب‌ قايسي‌، بيلمه‌ديم‌
 
بير تابشه‌ تاب‌ اتمه‌ديم‌، توز بولدوم‌
توپراق‌ بولدوم‌، آتش‌ بولدوم‌،سوز بولدوم‌
داشدان‌ بيشديم‌، ايچدن‌ كويدوم‌، كوز بولدوم‌
كه‌ نار قايسي‌، كباب‌ قايسي‌، بيلمه‌ديم‌
 
گذر اتديم‌ بير مكان‌سيز مكانا
سيران‌ اتديم‌ بير ميدان‌سيز ميدانه‌
حيران‌ قالديم‌ بير جهان‌سيز جهانا
بيت‌ قايسي‌ هم‌ باب‌ قايسي‌، بيلمه‌ديم‌
 
نفسه‌اويدوم‌، اوزوم‌ بيلديم‌،حرص‌ بولدوم‌
عاقل‌ ايشين‌ دوغري‌ سانديم‌، ترس‌ بيلديم‌
هر اشيادان‌ يار صفاتين‌ درس‌ آلديم‌
قرآن‌ قايسي‌، كتاب‌ قايسي‌، بيلمه‌ديم‌
 
مختومقلي‌ اول‌ مكاندا مكث‌ اتدي‌
شيخ‌لار توردي‌، ييگيت‌لر دي‌ رقص‌ اتدي‌
هر اشيادان‌ يار جمالين‌ عكس‌ اتدي‌
سي‌ دير، شراب‌ قايسي‌، بيلمه‌ديم‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی