مبتلاقيلدي‌



ايا دوستلار، فلك‌ جبري‌
باشيم‌ني‌ مبتلا قيلدي‌
آييردي‌ سوور بالامدان‌
يوره‌گيم‌ني‌ يارا قيلدي‌
 
اوتدي‌ خوشوقت‌ - خرم‌ وقتيم‌
بوزولدي‌ ط‌لا دان‌ تختيم‌
يانگي‌ بيتن‌ بير درختيم‌
خزان‌ بادي‌ فنا قيلدي‌
 
شوم‌ اجله‌ بولماز چاره‌
جبريندن‌ قالديم‌ بو زاره‌
يوره‌گيمه‌ سالدي‌ ياره‌
غريب‌ جسميم‌ ادا  قيلدي‌
 
ايندي‌ بير دم‌ قراريم‌ يوق‌
بو منزلده‌ دوراريم‌ يوق‌
بو سوزدن‌ هيچ‌ خبريم‌ يوق‌
خبرسيز بينوا قيلدي‌
 
يانيپ‌ روانه‌ دك‌ هر دم‌
يوره‌گيم‌ دولدوريب‌ يوز غم‌
قديم‌ خم‌، گوزلريم‌ پر نم‌
بو جانيمغه‌ جفا قيلدي‌
 
غميندان‌ اورته‌نيپ‌ سوزان‌
چكر من‌ نالا و افغان‌
فراقيندا گوزوم‌ گريان‌
نتاي‌، نيلاي‌، گدا قيلدي‌
 
مختومقلي‌ قيلدي‌ فرياد
منينگ‌ احواليما هيهات‌
فلك‌نينگ‌ ايلندن‌ مونگ‌ داد
منينگ‌ بختيم‌ قارا قيلدي‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی