مال‌ياغشي



 آدام‌ بولوپ‌، آدام‌ قدرين‌ بيلمه‌ين‌
اوندان‌ ينه‌ اوتلاب‌ يورن‌ مال‌ ياغشي‌
سوزله‌گنده‌، سوز معني‌سين‌ بيلمه‌ين‌
اوندان‌ ينه‌ سوزلمه‌ين‌ لال‌ ياغشي‌
 
خداييم‌ ساقلاسين‌ شردن‌، قهردان‌
منت‌لي‌ آش‌ آجي‌ بولار زهردن‌
اي‌ يارانلار، بير بازارسيز شهردن‌
اوندان‌ كي‌ بير گوولاب‌ياتان‌چول‌ياغشي‌
 
هر كيمينگ‌ اوزونه‌ مصردير جايي‌
ياديندان‌ چيقمايار بايرامي‌ - تويي‌
جان‌ ساغليغينگ‌ بولماز هيچ‌دنگي‌-تايي‌
آغشام‌ ياتيپ‌، ارتير شكرين‌ قيل‌ياغشي‌
 
بير بي‌وفا يارا گولوب‌ باقاندان‌
شيرين‌ جاني‌ عشق‌ اودونا ياقاندان‌
ياد ايل‌لرده‌ مسافرليق‌ چكندن‌
اورسا، سوكسه‌، خورلاسا-دا ايل‌ياغشي‌
 
مختومقلي‌، سوزله‌گيل‌ سن‌ هر بابدان‌
بو دنيا توتدورماز، چويروك‌دير دويبدن‌
معركه‌ده‌ سونگي‌ گلمز بو كپدن‌
اوندان‌ كي‌ بير شاولاپ‌ اوسن‌ يل‌ ياغشي‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی