مالاسراتمز



اولا مال‌ ياغشي‌، مالدان‌ باش‌ ياغشي‌
باش‌ دولتين‌ تاپان‌، مالا سر اتمز
دوغماديق‌ اوغولدان‌ دوغان‌داش‌ ياغشي‌
نادان‌ اوغول‌ آتاسينا سر اتمز
 
آط‌دا آياق‌ بولسا، باشغا سين‌ بولماز
ارده‌ غيرات‌ بولسا، ايشي‌ قين‌ بولماز
سووش‌ گوني‌ مخنثه‌ اوين‌ بولماز
يره‌ قارار، اوزگه‌ يانا سر اتمز
 
آلامان‌ اونگوني‌ سرداري‌ باشلار
قوچ‌ ييگيت‌لر نايزا اورار، قيليچلار
كيمسه‌ آدام‌ ييقيپ‌، كيمسه‌ آط‌ قوشلار
آبراي‌ تاپماسا، پايا سر اتمز
 
ار دوستدان‌ گچرلر آدام‌ آچ‌ قالسا
يار ياردان‌ آيريليپ‌، آرا داش‌ قالسا
يامان‌ خاتين‌ ياغشي‌ اره‌ دوش‌ بولسا
باشيني‌ ترك‌ ادر، دايا سر اتمز
 
كونه‌ دنيا مخنثينگ‌ اويي‌دير
سودخور بولان‌ كسينگ‌ دوزاخ‌ جايي‌دير
آلتين‌ - كوموش‌ گوزل‌لرينگ‌ مايي‌دير
قوچ‌ ييگيت‌لر بوزوق‌ جايا سر اتمز
 
دنيا گوركي‌ نازنين‌لر، نه‌ جانلار
نادانه‌ يولوقدي‌ ط‌رفه‌ جنانلار
اردن‌ قالان‌، اري‌ اولن‌ جوانلار
قوچ‌ ييگيدي‌ گوزلار، بايا سر اتمز
 
مختومقلي‌ غريب‌ كونگلون‌ باي‌ اديپ‌
قناعت‌ اولكه‌سين‌ بنده‌ جاي‌ اديپ‌
هر كيم‌ اوز ياريني‌ دوغان‌ آي‌ اديپ‌
آيين‌ گوزلار، باشغا آيا سر اتمز

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی