نوروزدان سنی



بوْلمادی بیزگه نصیبینگ، ایسته دیم گویزدن سنی
دییدینگ: ((اؤتسین قیش، تاپار من تأزه نوروزدان سنی))
سایلادیم، سچدیم، سونام، بیر بؤله جیک قیزدان سنی
نچون بیلینگنی قوُچمادیم من تاپیپ اوُزدن سنی

ایستِرِم حقدان، قاویشدیرغای مانگا تیزدن سنی
حق قاشیندا سؤزوم اؤتمز، من کیبی آواره یوْق
ایل- گون رحم ایله مزلر، من کیبی بیچاره یوْق
یوره گیم صد پاره تک دیر، هیچ تنیمده یارا یوْق

سن غریب سن، من فقیر من، سنده، منده چاره یوْق
سؤودیگیم، تقدیرِ حقدیر آییرغان بیزدن سنی
سؤودیگیم، سن گونده بیر گزِ یادینگا سالسانگ منی
گونده یوز قاتلا تیلأر من یارادان- حقدان سنی

باشقی گون سن اودا سالدینگ من فراغت بندأنی
حق گؤتِرسین آرادان، شاید، رقیب شرمندأنی
قیل بحل بیزدن یانگا اینجیتسالار سؤزدن سنی
باغینگا گیرسم سحر، بلبل بوْلوُپ سالسام اویون

غفلته قالسا رقیب، بیر دِم سالیشساق قول بوْیوُن
حقدان اؤزگه چاره یوْقدوُر، نه قیلای من، ئِیله یین
اینچه بیل، شیرین زبان، کپدر توپوق سن، غاز بوْیوُن
ساقلاسین تانگری پناهیندا یامان گؤزدن سنی

خیرینگی دوُشمان گؤرر، دوْستوُنگ چکر جبری – جفانگ
یارا، دلدارلیق بوْلارمی سورمه یین ذوقی – صفانگ
سالسالار میزانا، بالقان داغی بوْلمازدیر بهانگ
آیدادیر مختومقلی عهدینگ یالان، یوْقدوُر وفانگ
بی وفالار خوب ساویتمیش لار، سونام بیزدن سنی

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی