نهاناگلدينگ



بو نقل‌ دير، آدمزاد، سن‌ بو مكانا گلدينگ‌
اول‌ آتانگ‌ بيليندن‌، سيزيپ‌ نهانا گلدينگ‌
آتادان‌ انا باريپ‌، بير قط‌ره‌ قانا گلدينگ‌
انه‌ده‌ صورت‌ بولوپ‌، بو شيرين‌ جانا گلدينگ‌
دوقوز آيي‌ اوتوريپ‌، اينيپ‌ جهانا گلدينگ‌
اميپ‌ انانگ‌ سويدوني‌، قونداليپ‌، دونا گلدينگ‌
 
يارادان‌ قدرتيندان‌، ديش‌ بيله‌ دهان‌ بردي‌
سوزله‌ماگه‌ سوز بيله‌ دهانده‌ زبان‌ بردي‌
كونگلونگ‌ گيديپ‌ هر يانه‌، توردي‌، آياغينگ‌ يوردي‌
بيلدينگ‌ ياقين‌-يادينگ‌ني‌، گوزونگ‌ دنياني‌ گوردي‌
يدي‌ سكيز ياشينگدا آتانگ‌ ملا غا بردي‌
اوقيپ‌ قرآن‌ كتابي‌، اولاليپ‌، اونه‌ گلدينگ‌
 
اون‌ باش‌ ياشا بارانگدا، اوغلانليقدان‌ سايلاندينگ‌
قيز گلينه‌ ميل‌ اديپ‌، كونگول‌ بريپ‌ كويلندينگ‌
گويا باريپ‌ آق‌ اويونگ‌ دورت‌ داشينه‌ آيلاندينگ‌
حقينگ‌ فرماني‌ بيله‌ آخر بير گون‌ اويلندينگ‌
ييگريمي‌ ياشا باردينگ‌، اسبابينگ‌ني‌ شايلاندينگ‌
بدو  مونوپ‌، سگره‌ديپ‌، سوروپ‌ ميدانه‌ گلدينگ‌
 
اوتوز ياشا بارينچا، گويا بير آلغير شير سن‌
دنيا غمي‌ باشينگده‌، گويا يووريپ‌ يلير سن‌
دنيادن‌ دويماق‌ يوقدور، بولغينچه‌ بولسون‌ ديير سن‌
اهلي‌ مسلمان‌ بولسانگ‌، اولگينچا حلال‌ ايير سن‌
قيرقينگدا توبه‌ ايلاپ‌، بير مرشده‌ قول‌ بيير سن‌
كونگلونگ‌ني‌ پيره‌ باغلاپ‌، عزيز سبحانه‌ گلدينگ‌
 
اللي‌ ياشا بارانگدا، دوغروليقدا بولار سن‌
كودك‌ليكدن‌ آيريلدينگ‌، شيوه‌ليگي‌ بيلر سن‌
هر نيچه‌ جفا چكسنگ‌، آخر بير گون‌ اولر سن‌
باش‌ وقتينگي‌ اوقيبان‌، حقه‌ شكر قيلار سن‌
آلتميش‌ ياشا بارانگدا، قارريغانينگ‌ بيلر سن‌
اكن‌ اكينينگ‌ بيشيپ‌، اوراق‌ اورمانه‌ گلدينگ‌
 
يتميش‌ ياشا گلنگده‌، قانينگ‌ قاچار يوزونگدن‌
آق‌ ديش‌لرينگ‌ دوكولر، شعله‌ گيدر گوزونگدن‌
قوات‌ سندن‌ آيريلار، گويجونگ‌ قاچار ديزينگدان‌
هيچ‌ كيشي‌ هدر اتمز سنينگ‌ آيدان‌ سوزونگدن‌
سگسن‌ ياشا بارانگدا، كونگلونگ‌ گچر اوزونگدن‌
گيدر بولسانگ‌ دنيادن‌، آياقسيز دونا گلدينگ‌
 
مختومقلي‌، محنت‌ دير، هر كيم‌ توغساندان‌ اوتسه‌
كم‌-كم‌ گلر جهانا، اگر يوز ياشا يتسه‌
هيچ‌ كيمدن‌ هاراي‌ بولماز، اجل‌ ياقانگي‌ توتسا
ايمانينگي‌ قازانسانگ‌، يولونگني‌ روان‌ اتسه‌
آخر بولجاغينگ‌ شولدور ــ تنينگ‌ ير بيله‌ ياتسا
ايشيگي‌، توينوگي‌ يوق‌، قارانگقي‌ خانه‌ گلدينگ‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی