نالرگورونر



سيل‌ اده‌لينگ‌ بو جهانا
جهاندا نالر گورينر
اسكندر، جمشيد سالديران‌
بييك‌ منارلار گورينر
 
بيشه‌لري‌ شير، پلنگ‌لي‌
گل‌ عذار، نوچه‌ بيلنگ‌لي‌
گون‌ دوشمه‌ين‌ تر اولنگ‌لي
چشمه‌لي‌ زاولار گورينر
 
يارادان‌ بار اتدي‌ يوقدان
داغلار دنيا سورر چوخدان‌
سورسانگ‌ خبر برر نوحدان
قارريغان‌ آولار گورينر
 
چاغلان‌، يالان‌ دنيا، چاغلان
 نه‌ گولن‌ قالار، نه‌ آغلان‌
قار-ياغميرلار، بورجي‌ باغلان
كمرلي‌ داغلار گورينر
 
سريندن‌ دوماني‌ گيتمز
ايام‌ گچيپ‌، يره‌ باتماز
قارريب‌ قالماز، اولمز، ييتمز
 قورغان‌لي‌ داغلار گورينر
 
نه‌ كلبه‌ قالار، نه‌ چتن
صنم‌لر سيل‌ اديپ‌ اوتن‌
طوطي‌، بلبل‌ مسكن‌ توتان
هوالي‌ باغلار گورينر
 
مختومقلي‌، كيم‌ بار اولمز
اجل‌ دويماز، زمين‌ دولماز
آسمان‌ اينمز، ير چووريلمز
گون‌ يورير، آيلار، گورينر

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی