هوسي‌دير



آدم‌ اوغلي‌، فكرينگ‌ - ذكرينگ‌
 يالانچي‌نينگ‌ هوسي‌دير
حاضر بو فكره‌ گيدر سن‌
 بير گون‌ درده‌ قوياسي‌دير
 
بير گون‌ گيرر يره‌ باشينگ‌
اونودار قوم‌-قارداشينگ‌
نمازينگ‌، روزانگ‌ يولداشينگ‌
بير-ده‌ تيلينگ‌ ثناسي‌دير
 
آنگداشارلار ساغدا، سولدا
 شيطان‌ يول‌ كسر بو يولدا
اركلي‌ قورغان‌، آغير دالدا
شريعتينگ‌ قالاسي‌دير
 
بو جهانينگ‌ سرمايه‌سي‌
 رزق‌ سببي‌، حق‌ ساياسي‌
ير ديره‌گي‌، گوك‌ پاياسي‌
درويش‌لرينگ‌ دوغاسي‌دير
 
گچر عمر، اوتر بو دم‌
 نه‌ يورور سن‌ گدم‌ - گدم‌
پيلي‌ رايا سالان‌ آدم‌
سني‌ قورچوق‌ اييه‌سي‌دير
 
داغلار باردير، داشلار باردير
 يازلار باردير، قيشلار باردير
يامان‌ - ياويز ايش‌لر باردير
 باشا گلن‌ دوياسي‌دير
 
مختومقلي‌، عشق‌ ميداندير
بو ميدانا گيرن‌ جاندير
جانينگ‌ هم‌ تنده‌ ميهماندير
برن‌ بير گون‌ آلاسي‌دير

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی