همخانه‌گلندير



گردون‌ اويي‌نينگ‌ همه‌ ايشي‌ جانا گلندير
عشق‌ بيرله‌ هوس‌ ايكي‌سي‌ همخانه‌ گلندير
كيم‌ تيرسه‌ دري‌ گوهري‌ يكدانه‌ گلندير
توتغان‌ كيشي‌لر تلبه‌ هم‌ ديوانه‌ گلندير
الينه‌ آليپ‌ باشيني‌ ميدانه‌ گلندير
هرچند كه‌ جفا قيلسا عمر دانه‌ گلندير
عشق‌ تورپه‌ گوزل‌ پياپي‌ جانانا گلندير
 
عشقينگ‌ اويونده‌ ايله‌دينگ‌ جهد ايله‌ تنگي‌
بيلمن‌ نيچه‌دير اول‌ گوزه‌لينگ‌ روي‌ ايله‌ رنگي‌
معراجه‌ پيغمبر چيقيبان‌ گوردي‌ اوسنگي‌
بحر ايچره‌ خزر زنده‌يي‌ هم‌ نهنگي‌
يوز پاره‌ قيلار يارينگ‌ غمي‌ جانيما تنگي‌
گورسمدي‌ مصر شام‌ شريف‌ روم‌ فرنگي‌
آندان‌ سيت‌ بولسا بيزينگ‌ خانه‌ گلندير
 
اول‌ چرخ‌ فلك‌ آيلانادير شمس‌ ايله‌ انور
سياره‌ بيله‌دير اوندادير ماه‌ منور
اليمي‌ اوزاتسام‌ يته‌دير شاخه‌ي‌ عرعر
اول‌ شيخ‌ فضوليغا سوزوم‌ بولسا برابر
سلط‌ان‌ حسين‌، ميرعليشير، دنياده‌ دعواكار
فرهاد بيله‌ شيرين‌ ليلي‌ مجنون‌ دلاور
بار يوردي‌ گزيپ‌ سيل‌ خراسانه‌ گلندير
 
تبريز هرات‌ شهريني‌ گورديم‌-ده‌ سراسر
شيروان‌ شمق‌ ايكي‌سي‌ بولغاي‌ مو برابر
اول‌ باغ‌ ارم‌ پري‌لر منزلي‌ ديارلار
انديجان‌، مرغيلان‌، تا كاشغر قيصر
دوزده‌ صنم‌ سالغان‌ اييميش‌ كوشك‌ ايله‌ منظ‌ر
مانگقيشلاغي‌ كونگلينگده‌ گزر مي‌پري‌ پيكر
خوارزمي‌ ناريمي‌ مستانا گلندير
 
اي‌ سرو سهي‌ قويما منينگ‌ سينامه‌ داغي‌
بير گون‌ يتر هماميزه‌ دور آياغي‌
ايستاپ‌ يورسم‌ قسمت‌ اولا يولني‌ آياغي‌
چركز بيلن‌ قرغيز قالميقي‌ قزاغي‌
موصل‌ بيله‌ دربند قافو هشتي‌ چراغي‌
قندهار كرمانشاه‌ گرگان‌ قاراباغي‌
شاه‌لار ييغيليپ‌ سيل‌ اصفهانه‌ گلندير
 
چهل‌ تن‌لر ارا باش‌ بوليبان‌ باباين‌ دارغان‌
مقصده‌ يتر آمان‌-اسن‌ منزله‌ بارغان‌
كعبه‌ اويي‌دير ارن‌لر نشاه‌ قورغان‌
هندو حبش‌ چين‌ ماچين‌ ايله‌ سمرقند مرغيلان‌
اول‌ شهر بخاراي‌ هرات‌ آقجه‌ شبرغان‌
گزديم‌ يوريبان‌ شهر هرات‌ ينه‌ دامغان‌
آنتخوي‌ بيلن‌ بلخي‌ بدخشانه‌ گلندير
 
توتدوم‌ قوليما آلدادي‌ اول‌ دنياي‌ مكار
غلاچليغينگ‌ دوزاغينا بولدوم‌ كه‌ گرفتار
دشمانلاريما بيله‌ تفاوت‌ بيرله‌ سزاوار
گلگون‌ اويونده‌ بولسام‌ ايدي‌ ماه‌ تابان‌ يار
اصليمني‌ بيان‌ اتسم‌ من‌ سينه‌سي‌ افكار
ايل‌لر باشي‌ دير قاني‌ بيات‌ ميقلي‌ اغيار
اولدا سندگل‌ حسين‌خانا گلن‌دير
 
اول‌ برج‌ سعادت‌ قورولان‌ دولت‌ بخت‌دير
قورالان‌ نه‌ شهردير نه‌ ملك‌ دير نيچه‌ بخت‌دير
يار بولسا يتر هر نه‌ دوزوك‌ بولماسا سخت‌دير
ط‌بعيم‌ توتوليپ‌ تفرجي‌ گوريانچه‌ وقت‌دير
هر كيم‌ كه‌ گناه‌ قيلسا آخر غدابي‌ بيحددير
كيم‌ موندا قيليپ‌ آخر پشيمانا گلندير
 
اي‌ قادر ذوالجلال‌ سن‌ حكمي‌ روايت‌
اي‌ احمد مختار بولونگ‌ بيزه‌ هدايت‌
تن‌ شهرينه‌ كونگول‌ سلط‌ان‌دي‌ اوزگه‌سي‌ رعيت‌
كيم‌ قالسا جفاغا فلك‌دن‌ قيلدي‌ شكايت‌
آرزو قيلادير بو گوزلريم‌ حديث‌-آيت‌
گل‌ مختومقلي‌ سن‌ مونچا سوزي‌ قيلما حكايت‌
اولده‌ آمان‌، آخري‌ ايمانه‌ گلندير

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی