هريانا



يارسيزليقدان‌ يامان‌ ايش‌ يوق‌
 گوز ساليپ‌ گزسم‌ هر يانا
يا يارادان‌، بير يار برگيل‌
 كوپ‌ مشقت‌ دگدي‌ جانا
 
بير يار برگيل‌ اتلي‌ - قانلي‌
 كونگلي‌ گينگ‌، گووسي‌ ميدانلي‌
ديل‌ بيلن‌، عقلي‌ كماللي‌  
  يوزي‌ هم‌ بولسون‌ گوركانا
 
قدر بيلندن‌ داش‌ اتمه‌
ناقدره‌ يولداش‌ اتمه‌
ديل‌ بيلمز بلا دوش‌ اتمه‌ 
 ساده‌ ديل‌ بولسون‌ ــ توركانا
 
كرمينگ‌ گويچ‌لي‌ دير، گورگيل‌
ديير سن‌: "دعا قيل‌، ال‌ گرگيل‌"
نه‌ برسنگ‌، تيزراك‌ برگيل‌
 اعتبار يوقدور بو جانا
 
بويي‌ اوزين‌، پس‌ بولماسين‌
 حددن‌ آشا مست‌ بولماسين‌
عقل‌سيز، ناكس‌ بولماسين‌ 
 ساده‌دان‌ بولسون‌ ــ توركانا
 
ياغشي‌ عيال‌ اله‌ گلمز
نادان‌ ياغشينگ‌ قدرين‌ بيلمز
عيال‌سيزا ميدار بولماز
 دونسنگ‌ حكم‌ سليمانا
 
درويش‌لره‌ يولسيزليغي‌ 
 ييگيت‌لره‌ مال‌سيزليغي‌
الهي‌ عيال‌سيزليغي‌
گوركزمه‌ هيچ‌ مسلمانا
 
مختومقلي‌، كويسم‌، بيشسم‌
اينانمازلار اودا دوشسم‌
هوسيم‌ بار، بير قيز قوچسام‌
دييسم‌ ســــــــــوزوم‌ني‌ اركانا

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی