هجران‌قايسي‌،بيلمه‌ديم



 فلك‌ مانگا غم‌ باده‌سين‌ بره‌لي‌
وصال‌ قايسي‌، هجران‌ قايسي‌، بيلمه‌ديم‌
حق‌ ايشينه‌ تن‌ برميشم‌، گوره‌لي‌
آرزو قايشي‌، آرمان‌ قايسي‌، بيلمه‌ديم‌
 
بنده‌ بولسانگ‌، گوزله‌ حقينگ‌ رضاسين‌
جبر ايله‌سه‌، چكه‌ورگيل‌ جزاسين‌
اجل‌ آتار بير گون‌ تير قضاسين‌
كيريش‌ قايسي‌، كمان‌ قايسي‌، بيلمه‌ديم‌
 
بير صوراتام‌، باقمان‌، بو گون‌ اوزومه‌
عارف‌ بولسانگ‌، قولاق‌ قويغول‌ سوزومه‌
دنيا دويبي‌ يوق‌ گورونر گوزومه‌
دووير قايسي‌، دوران‌ قايسي‌، بيلمه‌ديم‌
 
آز عمريمي‌ كوپ‌ سودايه‌ ساتيپ‌ من‌
اوزوم‌ بيلمه‌ي‌، اول‌ دريايه‌ آتيپ‌ من‌
نه‌ عمان‌دير، نه‌ تالاب‌ دير، باتيپ‌ من‌
زمين‌ قايسي‌، زمان‌ قايسي‌، بيلمه‌ديم‌
 
هر كيم‌ گيرسه‌ اول‌ تالابه‌، عمانه‌
باشين‌ آليپ‌ چيقا بيلمز بير يانا
قدم‌ قويدوم‌ اول‌ صحرايه‌ - ميدانه‌
جان‌ قايسي‌ دير، جانان‌ قايسي‌، بيلمه‌ديم‌
 
من‌دنياني‌آسمانداقي‌رنگ‌بيلديم‌
ايسسي‌-ايسسي‌آسيليشديم‌،سونگ‌بيلديم‌
ايمدي‌ آنينگ‌ بارين‌- يوغون‌ دنگ‌ بيلديم‌
سود قايسي‌ دير، زيان‌ قايسي‌، بيلمه‌ديم‌
 
مختومقلي‌، يولونگ‌ اونگي‌، آردي‌ بار
چكر يوكون‌، هر كيشي‌نينگ‌ مردي‌ بار
يوره‌گيمده‌ پنهان‌ عشقينگ‌ دردي‌ بار
درد قايسي‌ دير، درمان‌ قايسي‌، بيلمه‌ديم‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی