يارگركدير



"منم‌" ديين‌ قوچ‌ ييگيده‌
بير مناسب‌ يار گركدير
عرب‌ آط‌، ياولي‌ ييگيده‌ 
آلماز ذوالفقاز گركدير
 
ييگيت‌ اولدور ـ يورت‌ اوستونده‌
جانين‌ برسه‌ دين‌ اوستونده‌
قوچ‌ ييگيت‌لر ايل‌ اوستونده‌
ناميس‌ بيلن‌ عار گركدير
 
باش‌ گون‌ كونگول‌ خوش‌ اتماگه‌
سفره‌ ياييپ‌، نان‌ دوكماگه‌
آبراي‌ آليپ‌، آد اتماگه‌
قوللاريندا بار گركدير
 
مكا باران‌ بولار حاجي‌
 آيراليق‌ اولومدن‌ آجي‌
قوچ‌ ييگيده‌ دين‌ قيليجي‌
عاشقه‌ ديدار گركدير
 
آرتدير فلك‌ آه‌ و زارينگ‌
آلار الدن‌ اختيارينگ‌
مختومقلي‌، سوور يارينگ‌
سياه‌ زلفي‌ تار گركدير

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی