يارسندن‌



بلبل‌لري‌ يسير ادن‌ گل‌ خندان‌
يا رب‌ خبر بيلرين‌ مي‌، يار سندن‌!
يدي‌ اقليم‌ مانگا گورونر زندان‌
يا رب‌ خبر بيلرين‌ مي‌، يار سندن‌!
 
اسفنديار روئين‌ تن‌، رستم‌ زاليندا
شام‌، نجف‌ده‌، مكه‌، دمشق‌ ايلنده‌
ارض‌ قارص‌دا، كربلانينگ‌ چولونده‌
يا رب‌ خبر بيلرين‌ مي‌، يار سندن‌!
 
شراب‌ايچيپ‌،سرخوش‌بولوپ‌،سگره‌سم‌
غنيم‌ جانين‌ قيييم‌-قيييم‌ دوغراسام‌
گوراوغلي‌ دك‌ داغدان‌-داغا اوغراسام‌
يا رب‌ خبر بيلرين‌ مي‌، يار سندن‌!
 
بير گل‌ قوقار گوزل‌ يارينگ‌ باغيندا
بلبل‌ هجوم‌ ايلار سول‌ و ساغيندا
بيت‌الله‌نينگ‌، صفا - مروه‌، داغيندا
يا رب‌ خبر بيلرين‌ مي‌، يار سندن‌!
 
شيخ‌ صنعان‌ دي‌ اوزين‌ قايغا اولانسام‌
شبلي‌ كيمين‌ توز - توپراغا بولانسام‌
كعبا باريب‌، يدي‌ كرت‌ دولانسام‌
يا رب‌ خبر بيلرين‌ مي‌، يار سندن‌!
 
يوسف‌ كيبي‌ زندان‌ ايچره‌ آغلاسام‌
جرجيس‌ كيبي‌ جان‌ يولوندا چاغلاسام‌
يونس‌ كيبي‌ حقا قوللوق‌ باغلاسام‌
يا رب‌ خبر بيلرين‌ مي‌، يار سندن‌!
 
دعا قيليپ‌، اليم‌ گوگه‌ قالديرسام‌
گل‌فرخار دك‌ قيزيل‌منگزيم‌سولدورسام‌
قوپوز آليپ‌، بييك‌ نعره‌ چالديرسام‌
يا رب‌ خبر بيلرين‌ مي‌، يار سندن‌!
 
عيسي‌ كيبي‌ خلوت‌ توتسام‌ سمادا
ادريس‌ كيبي‌ قوللوق‌ اتسم‌ زياده‌
خضر، الياس‌ كيبي‌ گيرسم‌ ظ‌لماتا
يا رب‌ خبر بيلرين‌ مي‌، يار سندن‌!
 
مختومقلي‌، عاشقلارينگ‌ مستينده‌
نرگس‌ گوزي‌ حيران‌ ادر دوستونا
يدي‌ يرده‌، دوقوز فلك‌ اوستونده‌
يا رب‌ خبر بيلرين‌ مي‌، يار سندن‌!

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی