ييقمايان‌اردن‌



هيچ‌ كونگول‌ شادليغي‌ چيقماز
بير كونگول‌ ييقمايان‌ اردن‌
ياغشي‌ليق‌ ط‌اماسين‌ اتمانگ‌
يامانليق‌ چيقمايان‌ اردن‌
 
كيمسه‌ ايله‌ بگ‌ليك‌ ادر
بير چم‌ بيلن‌ يولا گيدر
كدخداليق‌ ايراق‌ گيدر
يامان‌ سوز چكمه‌ين‌ اردن‌
 
ياغشي‌ ار ايل‌ عيبين‌ آچماز
گوره‌ - بيله‌ حرام‌ ايچمز
يارادان‌ يازيغين‌ گچمز
گوزياشين‌ دوكمه‌ين‌ اردن‌
 
اگلنمز، ايام‌ اووريلر
زمان‌ اوتر، نرخ‌ چووريلر
آغير دولت‌لر آيريلار
بير آغزا باقمايان‌ اردن‌
 
قوچاقلارا ياساو گوني‌
قوردا قويماز شير آويني‌
پيغمبر بيزار ياو گوني‌
يولداشا باقمايان‌ اردن‌
 
اوز-اوزوندن‌ عقلي‌ يتمز
عاقل‌لارينگ‌ سوزون‌ توتماز
يوقسولليق‌ يوق‌ بولوپ‌ گيتمز
اون‌ ايش‌ درك‌ اتمه‌ين‌ اردن‌
 
مختومقلي‌، يانغيل‌، اوچگيل‌
يا لال‌ اوتور، يا دور ساچغيل‌
بير قويروق‌سيز ايت‌دير، قاچغيل‌
نصيحت‌ يوقمايان‌ اردن

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی