يولداشينگ‌قالار



غافل‌ آدم‌، گيدر بولسانگ‌
كرم‌لي‌ يولداشينگ‌ قالار
جلاد گليپ‌، جان‌ آلاندا
ييغلاشيپ‌، قارداشينگ‌ قالار
 
تنده‌ ميهمان‌ عزيز جانينگ‌
قازانغيل‌ نور ايمانينگ‌
سفره‌ ياييپ‌، دوكگول‌ نانينگ‌
بو دنياده‌ آشينگ‌ قالار
 
جلاد خنجرين‌ سالاندا
عزراييل‌ جانينگ‌ آلاندا
ايكي‌ سوراغچي‌ گلنده‌
باشدا عقل‌ و هوشونگ‌ قالار
 
بو دنياني‌ توتما قيزغين‌
يولدان‌ چيقيپ‌، بولما آزغين‌
بيوفادير، اميد اوزگون‌
قوم‌ قووانار، لاشينگ‌ قالار
 
نامحرم‌ گورن‌ گوزلرينگ‌
شول‌ غيبت‌ ادن‌ سوزلرينگ‌
انگره‌شر اوغول‌-قيزلارينگ‌
گووره‌ گيديپ‌، قوشون‌گ‌ قالار
 
بارسانگ‌ ايمانينگي‌ آليپ‌
اول‌ باش‌ گز بيزه‌ دولانيپ‌
قارا توپراغا بولانيپ‌
زمين‌ ايچره‌ باشينگ‌ قالار
 
اجل‌ گلدي‌، نوبات‌ يتدي‌
كيمسه‌ بو دنياني‌ توتدي‌
مختومقلي‌، عمرينگ‌ اوتدي‌
داد اديپ‌، سرداشينگ‌ قالار

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی