يولداسني



حبيب‌ الله‌، سني‌ ايستان‌
تاپار قايسي‌ يولدا سني‌
والله‌، گورماگه‌ مشتاقدير
بگ‌-ده‌، خان‌-دا، قول‌-دا سني‌!
 
عاشقلار گل‌ يوزي‌ سولار
مونگ‌ گون‌ آغلان‌ بير گون‌ گولر
بلبل‌ ثنادا آرزولار
تازه‌ غونچا، گلده‌ سني‌
 
نه‌ گوهر سن‌، يوق‌ قيمتينگ‌
جهاني‌ توتميش‌ همتينگ‌
دورماز، ياد ادر امتينگ‌
داغدا، دوزده‌، چولده‌، سني‌!
 
ارن‌لر يولينگ‌ني‌ ايزلار
درويش‌لر سيرينگ‌ني‌ گيزلار
مشرق‌،مغرب‌ ـ تمام‌ گوزلار
بارچا- ساغدا، سولدا سني‌
 
دولت‌، فلك‌ بيله‌ دونر
كيمدن‌ اوچار، كيمه‌ قونار
گورمه‌سه‌، عاشقلار يانار
هفته‌، آيدا، ييلدا سني‌
 
بيز هم‌ امتينگ‌ خاصلارين‌
ياد اده‌رين‌، هوسلارين‌
چاغيرين‌، مدد ايسلارين‌
ياغشي‌ - يامان‌ حالدا سني‌
 
مختومقلي‌ ديير، اودوم‌ بار
عرضيم‌ بار، حقه‌ داديم‌ بار
شفاعتدان‌ اميديم‌ بار
قيل‌ كوپريده‌ دالدادال‌دالدا،  سني

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی