يوزاورسانگ



دعا قيلسام‌، درگاهه‌ دوش‌ گلرمي‌
سحر توروپ‌، بيروباره‌ يوز اورسانگ‌
يا، رب‌، برحق‌ دوستي‌ خوشوقت‌ بولارمي‌
بيركونگول‌ اوچين‌ يوز هوناره‌ يوز اورسانگ‌
 
سحر توروپ‌، ناليش‌ قيلسانگ‌ خدايا
گونه‌ قول‌ گوتريپ‌، يالبارسانگ‌ آيا
دولت‌ اوچين‌ باقسانگ‌ دولت‌ همايا
گنج‌ اوچين‌ سحر اوقيپ‌، مارا يوز اورسانگ‌
 
غرق‌ اولسانگ‌ درياغا، دوش‌ گلسنگ‌ درده‌
ط‌اما اوچين‌ آچما يوزونگدن‌ پرده‌
قاتلان‌، ديلگ‌ اتمه‌ گدي‌ نامرده‌
ايشينگ‌ دوشوپ‌، دوسته‌ ياره‌ يوز اورسانگ‌
 
ناماردا يوز اورسانگ‌، ايشينگ‌ قاييرماز
ايتدن‌ سويك‌ ايسلان‌ بير زات‌ آييرماز
تيلكي‌ اوزون‌ گونده‌ بير هم‌ دويورماز
يگ‌دير، آچ‌ هم‌ بولسا، شيره‌ يوز اورسانگ‌
 
مختومقلي‌، گرچه‌ بختينگ‌ شور اولار
مولام‌ نظ‌ر سالسا، دولت‌ يار اولار
غم‌ سندن‌ سووولار، دردينگ‌ دور اولار
كمال‌ خان‌ اوغان‌دك‌ اره‌ يوز اورسانگ

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی