يل‌بيله‌



گوز، كونگول‌، ديل‌، عقل‌ قالدي‌ بو توردي‌
جان‌ وط‌ن‌ آرزولاپ‌، توردي‌ يل‌ بيله‌
ترخوسيم‌ بار، گل‌، ترك‌ اتمه‌ بو يوردي‌
عشرت‌ سورگون‌، صحبت‌ قورغون‌ گل‌ بيله‌
 
بير عجب‌ منزل‌ دير، اميدينگ‌ اوزمه‌
گوونونگي‌ ساويتما، وط‌ن‌ دييپ‌ قيزما
دكانينگ‌ داغيتما، بازارينگ‌ بوزما
تن‌ ملكينده‌ بير نيچه‌ گون‌ قال‌ بيله‌
 
ميهمان‌ بولدونگ‌ بو دنيانينگ‌ اويونه‌
كونگول‌ بريپ‌ گيتمه‌ آنينگ‌ كويونه‌
باشينگ‌ باغلاپ‌، مشغول‌ ادر اويونا
گيتسنگ‌ برمز، آلداپ‌ گزر ديل‌ بيله‌
 
موندا قول‌ بول‌، بار، اول‌ جهان‌ سنينگ‌ دير
كونگول‌ نعمت‌، تازه‌ بريان‌ سنينگ‌ دير
بهشت‌، براغ‌، حور و رضوان‌ سنينگ‌ دير
عاصي‌ آدم‌، دوغري‌ گلسنگ‌ يول‌ بيله‌
 
فلك‌ قويماز، بو گزديگينگ‌ ساراي‌دا
قورت‌ بيله‌ قوي‌ ميدار اتمز بير اوي‌دا
دنيا دولي‌ قازنا ييغسانگ‌ نه‌ پيدا
چين‌ مال‌ اولدور ـ جاينا برسنگ‌ ال‌ بيله‌
 
گوگي‌ بوكوپ‌، يازسا يرينگ‌ يوزوني‌
قورت‌ قانگريليپ‌، قاپا بيلمز قوزيني‌
مبارزلار توتا بيلمز اوزوني‌
فيل‌ هم‌ دورار باغلاسالار قيل‌ بيله‌
 
مختومقلي‌ حق‌ قوللوغين‌ بيتيرسه‌
ار اول‌ بولار ــ امرين‌ برجاي‌ گتيرسه‌
مولام‌ اوزي‌ ديوان‌ اوچين‌ اوتورسا
پشه‌ توروپ‌، دعوا قيلار فيل‌ بيله‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی