يربه‌- يرگچدي‌



اللي‌ مونگ‌ ييل‌ دوران‌ سورن‌ بني‌جان‌
دنياده‌ قالمادي‌، يربه‌- ير گچدي‌
يوز ييگريمي‌ قارين‌ فرزند گتيرن‌
آدم‌ حوا بيله‌ سربه‌- سر گچدي‌
 
حق‌ اوزي‌ باشلايير يولا بنداني‌
يولا گيريپ‌ اميدلي‌ بول‌ سن‌-داني‌
شيث‌ بيله‌ كيومرث‌ گين‌ جنداني‌
رستم‌ زال‌ گييبان‌، قلندر گچدي‌
 
دوولرني‌ بند اديپ‌، دينه‌ گتيرن‌
سوره‌- سوره‌، بو دنيادن‌ اوتورن‌
زمينه‌- دريايا حكمين‌ يتيرن‌
سليمان‌ صفتلي‌ اسكندر گچدي‌
 
سليمان‌ اوغلي‌ داوود عالمني‌ سوردي‌
حق‌ آنگا زبوريينگ‌ كلامين‌ بردي‌
حضرتي‌ داوودينگ‌ حضور شاگردي‌
آلتي‌ مونگ‌ آلتي‌ يوز آهنگر گچدي‌
 
كوپلري‌  گچيرميش‌ بو كونه‌ جهان‌
آخري‌ انسان‌دير، اونگي‌ بني‌جان‌
مختومقلي‌ آيدار، قالمادي‌ يگسان‌
يوز ييگريمي‌ دورت‌ مونگ‌پيغمبرگچدي‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی