ياغيدير- ياغي



دنيا دوشمان‌ دورور، غافل‌ آدمزاد
مال‌ بيله‌ اودلادي‌ ياغيدير- ياغي‌
اون‌ سكيز مونگ‌ دييرلر كل‌ عالمني‌
گناهي‌- فسادي‌ ياغيدير- ياغي‌
 
قول‌- قاراباش‌، مالينگ‌، آط‌ينگ‌ - اشه‌گينگ‌
آط‌- ياراغ‌، اسبابينگ‌، دونونگ‌- قوشاغينگ‌
سويگولي‌ خاتينينگ‌، اوغلان‌- اوشاغينگ‌
دنيانينگ‌ بار زادي‌ ياغيدير- ياغي‌
 
دنيا بير سارايدير، ساز بيلن‌ صحبت‌
سپاهيغا ـ دستگاه‌، شالارغا ـ شوكت‌
شالاردان‌ آيلنسا اركانا دولت‌
باريسي‌ آيلاندي‌، ياغيدير - ياغي‌
 
آط‌ قارراسا، قالار تويدان‌ - بايراقدان‌
بوري‌ ديشدن‌ قالار، بورگوت‌ ديرناقدان‌
بايلار پيس‌ گورونر قولدان‌ - قيرناقدان‌
بنده‌سي‌، آزادي‌ ياغيدير- ياغي‌
 
اول‌ گورده‌ ياريلار باغرينگ‌ پوداغي‌
جانينگا بلادير خسته‌سي‌، ساغي‌
ييگيتليك‌ موسمي‌ يتيشن‌ چاغي‌
دگسه‌ خزان‌ بادي‌، ياغيدير- ياغي‌
 
مختومقلي‌، حقيقتدان‌دير سوزونگ‌
"ساغ‌ گوزوم‌ سن‌" دييسنگ‌، اتمز سول‌ گوزونگ‌
ماسواني‌ تاشلاپ‌، حقا توت‌ يوزونگ‌
بير حقدان‌ اوزگه‌سي‌ ياغيدير- ياغي‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی