ياشي‌نادن‌دير؟!



دوردي‌ شاعر سندن‌ خبر آلايين‌
اوتن‌ پيغمبرينگ‌ ياشي‌ نادن‌ دير؟
حكم‌ سليمانينگ‌ ياشيل‌ تابوتيني‌
معراجينگ‌ قافي‌سي‌، قاشي‌ نادن‌ دير؟
 
اول‌ نه‌ كيمدير يورتدان‌ گوچدي‌ دارغادي‌ 
اول‌ نه‌ كيمدير دوستون‌ يلدن‌ سارغادي‌
اول‌ نه‌ كيمدير عشقه‌ صحرا اوغرادي‌
ثمردن‌ عصاسي‌، پشي‌ نادن‌ دير؟
 
اول‌ كيمدير باقي‌ده‌ مبتلا قالان‌
اول‌ كيمدير ايلينه‌ تالان‌لار سالان‌
قيرق‌ ييل‌ هجران‌ چكيپ‌، ساراليپ‌ سولان‌
اوزونه‌ گرز اوران‌ كيشي‌ نادن‌ دير؟
 
اول‌ نه‌ قار دير مدام‌ ياغار، اريمز
اول‌ نه‌ دريا مدام‌ جوشار يوريمز
اول‌ نه‌ آدم‌، سوو ايچينده‌ چويريمز
آقار گوزلري‌نينگ‌ ياشي‌ نادن‌ دير؟
 
اول‌ نه‌ آغاچ‌ آلتميش‌ ايكي‌ پوداغي‌
قيرق‌سكيز گز اوقينگ‌ اون‌ايكي‌ ساغداغي‌
اول‌ نه‌ خان‌ دير، سكيز ارميش‌ اوتاغي‌
اوتاغ‌نينگ‌ ايچي‌نينگ‌ آشي‌ نادن‌ دير؟
 
اول‌ كيم‌ دير باقي‌ده‌ بير روشن‌ گوز بار
اونگونده‌ معني‌سي‌ دورت‌مونگ‌دورت‌يوز بار
آتاسي‌ اري‌ دير، عاشق‌ بير قيز بار
قوشولماز حويرلره‌، داشي‌ نادن‌ دير
 
مختومقلي‌ آيدار ياد اتگيل‌ بيزي‌
يدي‌ دير قاراسي‌، آق‌ دير سكيزي‌
بير صورتده‌ نه‌ دير، اولدور دوقوزي‌
سرينداكي‌ عقلي‌ هوشي‌ نادن‌ دير؟

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی