بدعت‌لارگلسه‌گركدير


قارداشلار، گون‌ - گوندن‌ بتر بولوپ‌دير

ييل‌ - ييلدان‌ بدعت‌لار گلسه‌ گركدير

خمر ايچن‌ و زنا قيلان‌ جهاندا

بللي‌ مشهور بولوپ‌ دورسا گركدير

 

مسلمان‌ قارداشلار، دونمانگ‌ بو يولدان‌

گچر سيز صراط‌دان‌، اينچه‌ دير قيلدان‌

دجال‌ گلر دييرلر بير نيچه‌ ييلدان‌

عالمه‌ بير غوغا سالسا گركدير

 

گوزي‌ بيردير، قارا گيميش‌ قدينا

غريب‌ يانار حرامي‌نينگ‌ اودونا

شام‌ شريف‌ و رومه‌، مكه‌، مدينه‌ 

مسلمانلار قاچيپ‌، دولسا گركدير

 

عيس‌، مهدي‌ گلسه‌، عدل‌ دير، داددير

ياجوج‌، ماجوج‌ گلسه‌، ظ‌لم‌ هيهاتدير

قولاغي‌ يردن‌ سوره‌نر، بير ياويز زاتدير

قاف‌ داغيني‌ دشيپ‌، گلسه‌ گركدير

 

قلم‌ تيترار يتيم‌لرينگ‌ زاريندان‌

جوشغون‌ گچر عاشقلارينگ‌ سريندن‌

گوك‌ اوپورليپ‌ داغلار سارسار يريندن‌

 اسرافيل‌ صوريني‌ چالسا گركدير

 

دريالار قورارلار، سوولار چكيلر

 آي‌، گون‌ هم‌ توتولار، ييلديز دوكولر

بييك‌ داغلار ارار، ير، گوك‌ ييقيلار

يالنگيز مولام‌ اوزي‌ قالسا گركدير

 

اجل‌ گلسه‌، بنده‌ خان‌ و مانيندان‌

ال‌ اوزر ايل‌ - گوندن‌، شيرين‌ جانيندان‌

الله‌نينگ‌ امريندن‌، حق‌ فرمانيندان‌

عزرائيل‌ اوز جانين‌ آلسا گركدير

 

حقدان‌ غيري‌ جانلي‌ جاندار قالينماز

 اسرافيل‌ جان‌ تابشير، صور هم‌ چالينماز

قيرق‌ گون‌ ياغمير ياغار، ير-گوك‌ بيلينمز

يانگادان‌ گوگريپ‌ قالسا گركدير

 

بير براغي‌ حله‌ بيله‌ بزارلر

 آلتين‌ - كوموش‌، قيزيل‌ - ياشيل‌ دوزرلر

دورت‌ فرشته‌ ديريليبان‌ گزرلر 

محمد قبرينه‌ گلسه‌ گركدير

 

صدا چيقار فرشتانينگ‌ بيريندن‌

 "لبيك‌!" ديييپ‌ توروپ‌ گلر يريندن‌

قبر ياريلار، قوم‌ دوكولر سريندن‌

"واي‌، امتيم‌!" ديييپ‌ قالسا گركدير

 

كونگول‌ قايغا دوشر محشر غميندان‌

 "قاني‌ امتيم‌؟" ديييپ‌ سورار اميندن‌

باشين‌ سجدا قويار، قالماز زميندن‌

"قال‌!"دييپ‌، حقدان‌ فرمان‌ بولسا گركدير

 

اسرافيل‌ صوريني‌ آلار قولونا

 گوزون‌ ديكر قادر حقينگ‌ يولونا

چيغير، صدا چكر ساغي‌ سولونا

جمله‌ جاندار جانا گلسه‌ گركدير

 

آسغيرشيپ‌-آسغيرشيپ‌، گوردن‌ چيقارلار

تورارلار، آسمانا گوزون‌ ديكرلر

بويورغانشيپ‌، دگره‌ - داشا باقارلار

 قيرق‌ گون‌ حيران‌ بولوپ‌ دورسا گركدير

 

گوررلر، قورت‌ - قوشلار قاچماز يانيندان‌

دريالار قيزديريپ‌ گلميش‌ شانيندان‌

هر كيمسه‌ اوز سوودوگي‌نينگ‌ يانيندان‌

 بيله‌ همدم‌ بولوپ‌ قوپسا گركدير

 

بييك‌ ديوان‌ قورلار، بير ايش‌ دوزولر

 گون‌ يوز چووري‌لر، عالم‌ قيزيلار

پينينگ‌ جيغير - جيغير قايناپ‌ سيزيلار

برن‌ نانينگ‌ سايا بولسا گركدير

 

فرعون‌، هامان‌، شداد، نيچه‌ كافرلار

"اولوپديك‌!" دييپ‌، حيران‌ بولوپ‌ دورارلار

"بيزي‌ كيم‌ ديرلتدي‌؟" ديييپ‌ سورارلار

مومن‌ قوللار جواب‌ برسه‌ گركدير

 

شادليقلاري‌ قايغي‌ بيلن‌ دپ‌ بولار

اوت‌ چاقيلار، غوقالاري‌ كوپ‌ بولار

آخرتده‌ يوز ييگريمي‌ صف‌ بولار

اون‌ ايكي‌ گروه‌ اديپ‌ سورسه‌ گركدير

 

بير گروهي‌ خنزير بولوپ‌ گزرلر

 بير گروهي‌ مايمين‌ بولوپ‌ آزارلار

بير گروهي‌ كور، كر بولوپ‌ گزرلر

 اتميشي‌ آلنينا گلسه‌ گركدير

 

كيمسانينگ‌ تنينده‌ اوت‌ - يالين‌ اوينار

كيمسانينگ‌ آغزيندا قان‌، ايرينگ‌ قاينار

عمل‌سيز ملا لار ديل‌لرين‌ چينار

 اوني‌ ربيم‌ شيله‌ قيلسا گركدير

 

كيمسانينگ‌ ايچيندن‌ اوت‌ يالين‌ اوتر

كيمسي‌ مست‌ بولوپ‌ ييقيلار ياتار

كيمسانينگ‌ آياغي‌ آلنيندا بيتر

باشي‌ بيلن‌ يوگروپ‌ گلسه‌ گركدير

 

اون‌ قات‌ قيزغين‌ دوشك‌ دوشر اورنونا

نوحه‌گرينگ‌ باشي‌ دوشر بورنونا

ديلي‌ سوينر، دوشر، يتر قارنينا

عملنه‌ چولاشيپ‌ قيلسا گركدير

 

مومن‌ فرمان‌ بولار، كافر ايچ‌ اگسر

 نر، بوغرا دك‌ بولوپ‌ بيلك‌لي‌ تاوسار

خلايق‌ آغلاشار، فرماندا يكسر

محمد توغوني‌ قورسا گركدير

 

قورقي‌ دوشر پيغامبرلر جانينا

اوغول‌ گلمز آتاسي‌نينگ‌ يانينا

محمد باشلاييپ‌ ميزان‌ دويبونه‌

ياشيل‌ علم‌ قوروپ‌ دورسا گركدير

 

قوجاقلار "اوغلوم‌!" دييپ‌، آدم‌ پيغامبر

ابراهيم‌ خليل‌ آيدار: اي‌ بير و بار

موسي‌، عيسي‌ آيدار: يارادان‌ جبار

هر كيم‌ اوزون‌ ديلاپ‌ آلسا گركدير

 

نيچه‌ پيغامبرلر دعاسي‌ مقبول‌

نه‌ ساغيني‌ تانير، نه‌ سولوني‌ اول‌

ياشين‌ ساچيپ‌  آغلار محمد رسول‌

"واي‌، امتيم‌!" ديييپ‌ دورسا گركدير

 

خلايق‌لار سيلماز گوزده‌ ياشيني‌

تانيشار، سوراشماز قوم‌ خويشيني‌

ميداندا قورولان‌ ميزان‌ باشيني‌

اسرافيل‌ توتوبان‌ دورسا گركدير

 

كافري‌ بزارلر آتش‌ دونونا

سوررلر، الترلر دوزخ‌ يانينا

پالانلي‌ قاط‌ر دك‌ بولوپ‌ شانينا

بوغرا بويون‌ موي‌لر سوقسا گركدير

 

"هاراي‌!" ديير، يتيشمز كيمسه‌ هارايي‌

اشك‌ دك‌ آنگيريپ‌ دولدير سارايي‌

اييميشي‌ زهردير، ايچگي‌سي‌ آوي‌

ابدي‌ زنداندا قالسا گركدير

 

ايمدي‌ گلديك‌، مومن‌ قوللار نادرميش‌

قايسي‌ ايشه‌، قايسي‌ يولا گيدرميش‌

محمد خاط‌رنا يالقاو ادرميش‌

بيلمه‌ين‌لر موني‌ بيلسه‌ گركدير

 

مومن‌ قوللار گچيپ‌ گيدرلر يول‌ دك‌

 كيمي‌ ييلديريم‌ دك‌، كيميسي‌ يل‌ دك‌

كيمي‌ يووريك‌ آط‌ دك‌، كيميسي‌ سيل‌ دك‌

 كيمي‌ اوچار قوش‌ دك‌ گچسه‌ گركدير

 

اوچ‌ مونگ‌ ييلليق‌ يولدور، مونگي‌ چيقيشدان

‌بير مونگي‌ همواردير، مونگي‌ اينيشدن‌

قارادير گيجه‌سي‌، ييتي‌ قيليچدان‌

كيم‌ گيجه‌ - گونديزده‌ گچسه‌ گركدير

 

كيم‌ اون‌ گونده‌ گچر، كيمي‌ بير آيدا

كيمي‌ قولان‌ يانگليغ‌ قيچغير سارايدا

كيم‌ بير ييلدا گچر، كيمي‌ قيرق‌ آيدا

سونگي‌ باش‌ مونگ‌ ييلدا اوتسه‌ گركدير

 

مونچا مونگ‌ ييل‌ قانلار ييغلاپ‌ گچن‌ سونگ‌

صراط‌ كوپري‌سيندن‌ آنگري‌ گچن‌ سونگ‌

كوثر ساقي‌سيندان‌ شراب‌ ايچن‌ سونگ‌

 ييگيت‌، قوجا بير ياشا گلسه‌ گركدير

 

ييگيت‌لر ياشيل‌ تاج‌ قويار باشيندا

يوسف‌ جماليندا، عيسي‌ ياشيندا

داودينگ‌ اورنوندا اوتوز باشينده‌

هر كيم‌ اوز سوودوگين‌ آلسا گركدير

 

يتميش‌ حله‌ گييپ‌، تخته‌ قونارلار

زبرجد اويانلي‌ براغ‌ مونرلر

اييرلر، ايچرلر سيران‌ قيلارلار

اولمز - ييتمز، جاويدان‌ قالسا گركدير

 

يتميش‌ خور قيز دوشك‌ دوشار آستينا

يتميش‌ حور قول‌ قاوشير دورار قصدينا

ط‌وبي‌ آغاچ‌ سايا سالار اوستونه‌

حقينگ‌ جماليني‌ گورسه‌ گركدير

 

"دنيا بو دنيا" ديير ياتان‌ سرخوش‌لار

اينانمايان‌ كافر بولار قارداشلار

مختومقلي‌ آيدار، گلر بو ايش‌لر

قيامت‌ گون‌ قوللار گورسه‌ گركدير

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی