باشي‌گركدير


سپاه‌ بولوپ‌، آط‌ا چيقان‌، هر يردن‌

عقلي‌ كاندن‌ كسن‌ باشي‌ گركدير

بير مسلمان‌ قاچسا ايكي‌ كافردن‌

كله‌سينه‌ سنگسار داشي‌ گركدير

 

مرد اولدور كي‌، بولسا كونگلي‌ رحم‌لي‌

 گووره‌سي‌ گينگ‌ گرك‌، اوزي‌ فهم‌لي‌

گينگ‌ يرده‌ قارغا دي‌ بولسون‌ وهم‌لي‌

 يرينده‌ هوناري‌ ايشي‌ گركدير

 

قاپلانگ‌ كيمين‌ آرلاپ‌ گيرسه‌ ميدانا 

تيلكي‌ كيمين‌ بازي‌ برسه‌ هر يانا

دوراندا، قايا دك‌ دوروپ‌ مردانا

آلار يردن‌ آط‌ ساليشي‌ گركدير

ييگيدينگ‌ خيالي‌ بولسا سرينده‌ 

چيقار بير گون‌، چوكوپ‌ قالماز قاريندا

حيله‌ هم‌ بير باتيرليق‌ دير يرينده‌

اوني‌ باشارماغا كيشي‌ گركدير

 

آط‌ گرك‌ قاچارغا، قاوسا يترگه‌

ياوني‌ قورقوزارغا، تيريك‌ توتارغا

ميداندا سانغي‌سيز هر ايش‌ بيتيرگه‌

 ييگيريمي‌ اوتوزلي‌ ياشي‌ گركدير

 

بورگوت‌ قوش‌ دي‌ قانات‌ قاقيپ‌ دوگولدن‌

مخنث‌لار گچر جاندان‌ اوغولدان‌

قورت‌دك‌ گيريپ‌، ياوني‌ قوي‌دك‌ داغيلدان‌

ار ييگيدينگ‌ مرد يولداشي‌ گركدير

 

مختومقلي‌، قوچ‌ ييگيت‌لر چاپيليپ‌

 گوك‌ داماردان‌قيرميزي‌قانلارساچيليپ‌

آط‌ سالاندا دونگوز كيمين‌ توپوليپ‌

آيي‌ كيمين‌ آسيليشي‌ گركدير

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی