بيلي‌بولماسا


هر كيم‌ سولوو من‌ ديير، اولماز اعتبار

 سنبل‌ ساچي‌، قيلچا بيلي‌ بولماسا

يورك‌لري‌ آط‌ باشي‌ دك‌ باتيرلار

خاتينچا يوق‌ آط‌-ياراغي‌ بولماسا

 

نالري‌ گورجك‌ دير بو شوم‌ كونگول‌لر

خزان‌ اورسا، سولار آچيلان‌ گل‌لر

باغ‌ ايچره‌ سايراشان‌ شيدا بلبل‌لر

 تورقايچا يوق‌، قونار گلي‌ بولماسا

 

سوزله‌سنگ‌، هر يانا اووسر بو ديل‌لر

 آرقادان‌ يل‌ اوسسه‌، شوولار شمال‌لار

ياشيل‌باش‌ سونالار، غازلار قارقيلدار

حالي‌ خراب‌ دوشر كولي‌ بولماسا

 

آخر بير گون‌ بولار آخر زماني‌

اسرافيل‌ صور چالسا، بولار زماني‌

قيرغي‌ گورن‌ قوشلار آلماز آويني‌

قوش‌ قاناتي‌، توي‌، قويروغي‌ بولماسا

 

قوشلار اوچا بيلمز قويروق‌-قانات‌سيز 

 عاشق‌ يارا يتمز دادي‌-فريادسيز

بير بدو خانه‌زاد بولار سياق‌سيز

 قويروغي‌، كاكيلي‌، يالي‌ بولماسا

 

آخر زمان‌ بولسا، شيخ‌دان‌ پال‌ قاچار

كلامينگ‌ يوزوندن‌ خط‌ قالماي‌ اوچر

يابانداقي‌ سووسيز آريغا اوغشار

هر كيمينگ‌ سخاوت‌-خيري‌ بولماسا

 

باشينگ‌ قوشما قدر بيلمز بدذاته‌

قوشسانگ‌قوشغول‌باشينگ‌بيراصل‌زاده‌

بير ياغمازاق‌ بولدا منگزار هواده‌

هر كيشي‌نينگ‌ همت‌، خيري‌ بولماسا

 

مختومقلي‌، بيلدينگ‌ مونداغ‌ زمان‌ دير

 حالا سودي‌ بولسا، سونگرا زيان‌ دير

ار ييگيدينگ‌ ايچي‌ دولي‌ آرمان‌ دير 

 قارا گوز، اينچه‌ بيل‌ ياري‌ بولماسا

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی