بوروزه‌


قادر الله‌ بيزه‌ عنايت‌ اتميش‌

قبر ايچينده‌ بيزه‌ ياردير بو روزه‌

كلي‌ گونالره‌ كفارت‌ اتميش‌

صراط‌ اوزره‌ مددگاردير بو روزه‌

 

توتغول‌ موني‌ صدقي‌ اخلاصينگ‌ بيله‌

دوزخ‌ ايچره‌ كلي‌ عذابدان‌ يوولا

قبول‌ اتسه‌ زكات‌ صلواتينگ‌ بيله‌

اول‌ قين‌ اويلاردا ياردير بو روزه‌

 

هم‌ خوش‌ صورت‌، زيبا بولوپ‌ گورونه‌

پروا قيلار مومن‌ قولونگ‌ گورونه‌

دلالت‌ ايله‌ييپ‌ آخر كارينه‌

عيشي‌ عشرت‌ هم‌ راحتدير بو روزه‌

 

اگر برسنگ‌ روزه‌ فط‌ره‌ اداسين‌

محشرده‌ گورر سن‌ راحت‌ ساياسين‌

ترك‌ ايله‌سنگ‌، توتاورگيل‌ قضاسين‌

بهشت‌ ايچره‌ مرغزاردير بو روزه‌

 

فرض‌ ايله‌دي‌ بيزه‌ قادر جبار

كيم‌ ترك‌ اتسه‌ بيدين‌ و بدكار

آتش‌ دوزخه‌ بولار گرفتار

افعالي‌ خوبلارا ياردير بو روزه‌

 

آدم‌ اوغلي‌، غافل‌ اولما، توتاور

توبه‌ ايلاپ‌، يامان‌ يولدان‌ قايداور

تا اولينچانگ‌ حق‌ قوللوغين‌ اده‌ور

توتانلارغا كوپ‌ راحتدير بو روزه‌

 

مختومقلي‌، ترك‌ ايله‌مه‌ اداسين‌

ترك‌ ايله‌سنگ‌، توتاورگين‌ قضاسين‌

معنيسينه‌ يتيپ‌، بيلسنگ‌ مزاسين‌

عجب‌ پيشه‌، عجب‌ كاردير بو روزه‌

55بودردي

 

كشت‌ ايله‌ديم‌، گزديم‌ عشقينگ‌ داغيندا

نه‌ بلادير، كيمسه‌ چكر بو دردي‌

عشق‌ داغين‌ آسديلار گوگونگ‌ بوينوندا

گوك‌ تيتره‌ييپ‌، چكه‌ بيلمز بو دردي‌

 

عشق‌ اثر اتمه‌سه‌، يانماز چراغلار

عشقه‌دوشسه‌، قوشلار انگرار، قورت‌ آغلار

اگيلر هيباتلي‌، قواتلي‌ داغلار

داشلار اريپ‌، چكه‌ بيلمز بو دردي‌

 

كيمدير عشقينگ‌ يوكون‌ چكن‌ مردانا

فلك‌ گوردي‌، قورقوپ‌ دوشدي‌ گردانا

زمين‌ جنبش‌ ايلاپ‌، گلدي‌ لرزانا

چول‌لر، دوزلر چكه‌ بيلمز بو دردي‌

 

بهشت‌ قاچيپ‌ چيقميش‌ عرشينگ‌اويونه‌

تاموغ‌ قورقوپ‌، اينميش‌ يرينگ‌ تيينه‌

قاچدي‌ دريا، آدم‌ آلدي‌ بويونا

دورت‌ يوز ييللاپ‌ چكه‌ بيلمز  بو دردي‌

 

مختومقلي‌، چكسنگ‌ دردي‌ - دوگوندن‌

عاصي‌ بولوپ‌، شكايت‌ اتمه‌ بو گوندن‌

بو اولمك‌، آيريلماق‌ قاليپدير اونگدن‌

پدر بيزه‌ ميراث‌ قويموش‌ بو دردي‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی