بيرساعت‌بيله‌


عمر باش‌ گون‌، منزلي‌ اوچ‌

دورانينگ‌ بير ساعت‌ بيله‌

يورير كرون‌، چكيلر گوچ‌

ياتيپ‌ سن‌ فراغت‌ بيله‌

 

سن‌ دييمه‌ بيره‌و ال‌ گرر

عاقل‌لار موندا ايش‌ گورر

بي‌ عقل‌لار هنگام‌ قورار

عشرت‌ ايستاپ‌ راحت‌ بيله‌

 

كافر نفس‌، شيط‌اندير شوم‌

ايشلر توتار ايلاپ‌ هجوم‌

بير گون‌ چيقار سن‌ نامحروم‌

گزمه‌ خوش‌ قناعت‌ بيله‌

 

جانا جفا بر، نفسه‌ هاي‌

ايش‌ ات‌، آخرت‌ غمين‌ ايي‌

پيغامبره‌ صلوات‌ ديي‌

شوق‌ اتسنگ‌ شفاعت‌ بيله‌

 

بنده‌ بولسانگ‌، آدمزاد بول‌

جبار دييماندير: "جلاد بول‌"

خير ايشلاپ‌، بار، آزاد بول‌

اوتانما خجالت‌ بيله‌

 

آدم‌ اوغلي‌ اوزون‌ بيلمز

نفس‌ اوغرينچا بي‌ كار بولماز

قسمتيندان‌ قاريش‌ قالماز

گزسنگ‌ يوز خيالات‌ بيله‌

 

مختومقلي‌ ديير، ياران‌

خلق‌ توتان‌ ايشه‌ من‌ حيران‌

گچر فرصت‌، اوتر دوران‌

گويمه‌نه‌ور ط‌اعت‌ بيله‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی