بير-بيرينه‌بزه‌نيپ‌


اي‌ يارانلار، مال‌ دنيا مايه‌سي‌

گورونمك‌ دير بير-بيرينه‌ بزه‌نيپ‌

ييگيده‌ ناز، قيز كرشمه‌سي‌ ايه‌سي‌

پهلوانلار ميدان‌ گوزلار دوزه‌نيپ‌

 

اجل‌ قويموش‌ اوق‌ كزيني‌ كيريشه‌

بيليپ‌ بولماز ناوقت‌ جانا اريشه‌

نه‌ دوروپ‌ سن‌ آقايانه‌ يوروشه‌

عمرينگ‌ اوغور آليپ‌ گيتمز اوزانيپ‌

 

دنيا داشينگ‌ دمير دوزاق‌ تورلاييپ‌

اجل‌ شيري‌ اينگراپ‌ ياتير گورله‌ييپ‌

سن‌ فراغت‌ اويقوسيندا خورلاييپ‌

قضا قيليچ‌ چكيپ‌ دورموش‌ گزه‌نيپ‌

 

اويالمادينگ‌ حقدان‌، آغاردي‌ ريشينگ‌

غيبتدان‌ ديل‌ دونمز، حرامدان‌ ديشينگ‌

فناده‌ گوره‌ور بقاليق‌ ايشينگ‌

غافل‌ آدم‌، قاليپ‌ ياتما آغزانيپ‌

 

هر بير آدم‌ گورر حسابلي‌ دمي‌

تقديري‌ اجلينگ‌ تاپيلماز امي‌

مختومقلي‌، قالماز اگسيگي‌ - كمي‌

هر كيم‌ بارا بيلسه‌ ايمان‌ قازانيپ‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی