بوايشي


بنده‌، سن‌ بد ايشه‌ باتيرليق‌ اتمه‌

آلدينگدا قويارلار اول‌ گون‌ بو ايشي‌

نفسه‌ اويما، شيط‌ان‌ رايينه‌ گيتمه‌

خجالته‌ قويار، بيلگين‌ بو ايشي‌

 

نفسينگ‌ آيدار: اورغون‌، بو بير حضوردير

جانينگ‌ آيدار: سانگا تانگري‌ حاضردير

سن‌ گورمه‌سنگ‌ اول‌-ها سانگا ناظ‌ردير

اوتانغين‌، ايمنگين‌، قويغون‌ بو ايشي‌

 

بير يولدا گناه‌ بار، بير يولدا ثواب‌

عرصات‌دا سندن‌ ايستارلر جواب‌

حلاله‌ حساب‌ بار ــ حرامه‌ عذاب‌

شكي‌ يوقدور، يادا سالغين‌ بو ايشي‌

 

عمرينگ‌ گچيپ‌ بارغان‌ يازدير بير ساعت‌

نه‌ بولار، بو يازدا ايله‌سنگ‌ ط‌اعت‌

ثوابه‌ شادليق‌ بار، جرمه‌ ــ خجالت‌

بوينونگا آلماغين‌، گچگين‌، بو ايشي‌

 

باشينگ‌ گوگه‌، گووسونگ‌ يله‌ گوترمه‌

كونگلونگه‌ قورقيني‌ چالا گتيرمه‌

يوركده‌ يوق‌ سوزي‌ تيله‌ گتيرمه‌

اخلاص‌ قولاغينا چالغين‌ بو ايشي‌

 

مسافر سن‌، مقيم‌ ايشين‌ قورار سن‌

بي‌بقا دنياده‌ نيچه‌ دورار سن‌

موندا نه‌ ايش‌ اتسنگ‌، آندا گورر سن‌

ياغشي‌دير، يامان‌دير اول‌ گون‌ بو ايشي‌

 

شيط‌ان‌ آيدار: شيرين‌ ايشيدير، اده‌گور

رحمان‌ آيدار: يامان‌ ايشدير قايداگور

مختومقلي‌: تور، قولونگني‌ كوزه‌ اور

اگر دوزه‌ بيلسنگ‌، قيلغين‌ بو ايشي‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی